ప్రతి మనిషి జీవితంలో ఒక క్షణకాల సందర్భం వస్తుంది ...అది రావాలి కూడా ...ఒకవేళ అలాంటి సందర్భం రాకపోతే ...ఎప్పుడో ఒకసారి ఆ సందర్భం తప్పకుండా వస్తుంది అని వేచి చూడాలి ...వేచి చూస్తూనే ఉండాలి ...కానీ ఆ సందర్భం రాకుండా ...ఆ క్షణ కాలాన్ని స్పర్శించకుండా మన ఊపిరి ఆగిపోకూడదు ...ఒకవేళ ఇప్పటికే వచ్చి ఉంటే..ఆ క్షణాన్ని మనం చూసి ఉంటే ...మళ్ళీ మళ్ళీ అలాంటి క్షణాలు రావాలని కోరుకోవాలి ....ఆ క్షణాన్ని శాశ్వతం చేయడానికి కృషి చేయాలి...
ఆ క్షణంలో .. ఈ పరుగులు ఉండవు , ఈ ఆరాటాలు ఉండవు, పోరాటాలు ఉండవు, ఆలోచనలు ఉండవు, ప్రశ్నలు ఉండవు, పోటీలు ఉండవు , తారతమ్యాలు ఉండవు, శాశ్వతాలు ఉండవు, సొంతాలు ఉండవు, పంతాలు ఉండవు.. నీ ఉండదు , నా ఉండదు ...భయం ఉండదు , అభద్రతా ఉండదు ...
అసలేమీ ఉండదు ...ఒక నిశ్చలమైన స్థితి లో ...శరీరం , ఆత్మ సేద తీరుతుంది ....అంతే ...
అలాంటి ఒక క్షణం ప్రతి మనిషి జీవితంలో రావాలి ...ఆ క్షణం శాశ్వతం కావాలి.. !
