Wednesday, November 23, 2016

ఏది ఉంచుకోవాలో....ఏది పంచుకోవాలో ....ఏది తెంచుకోవాలో .... ఎవరిష్టం వాళ్ళది ....

కొందరు ...,,,
ఆనందాలు మాత్రం ఒక్కరే ఆత్రంగా అనుభవిస్తారు ....పక్కవారికి పంచరు.... 
మరి కొందరు ....బాధలు మాత్రం పక్కవారికి వెంటనే పంచుతారు ....వాళ్ళు మాత్రం బాధ అనుభవించడానికి ఇష్టపడరు ....

మరికొందరు .....,,,,
బాధలు మాత్రం ఒక్కరే అనుభవిస్తారు ....పక్కవాడికి పంచరు.... 
ఆనందాలు మాత్రం పక్కవాడికి వెంటనే పంచుతారు ....వాళ్ళు... ఆనందం ఒక్కరే అనుభవించడానికి ఇష్టపడరు ....

ఏది ఉంచుకోవాలో....ఏది పంచుకోవాలో ....ఏది తెంచుకోవాలో .... ఎవరిష్టం వాళ్ళది .... అది వేరే విషయం అనుకోండి .....

ఆనందాలు పంచిన వాళ్ళందరూ మనసున్నవాళ్ళు .....
బాధలు పంచేవాళ్ళు అందరూ మనసు లేని వాళ్ళు అని అనుకోవడం లోక సహజ అభిప్రాయం ....

కానీ ...కొన్నిసార్లు ...లోక అభిప్రాయానికి భిన్నంగా జరుగుతూ ఉంటుంది .....

ఎవరికి ఏది అవసరం ఉందో... అది వారికోసం దాచుకుంటారు ........
ఎవరికి ఏది అవసరం లేదో ....అది పక్కవారికి పంచేస్తారు ....

మనం కూడా పక్కవాడు పంచింది ఏదైనా ....అది మనకు అవసరం ఉంటే తీసుకోవాలి .....అవసరం లేకపోతే ....అది వాళ్ళకే ఇచ్చేయాలి ....


మరి ఆలస్యం ఎందుకు ......నిర్ణయం మీదే ....... !! :) :)

అదేదో సినిమాలో ...."గల గల పారుతున్న గోదారిలా ...." పాట

అదేదో సినిమాలో ...."గల గల పారుతున్న గోదారిలా ...." పాట విన్న వాళ్లకు ఎవరికైనా తెలిసే ఉంటుంది ... పాట వెనక ఉన్న ఉద్దేశ్యం ఏమిటో ....

తన ప్రేయసి.. తన కోసం ....అసంకల్పితంగా ఏడిస్తే ... ప్రియుడి మనసుకు అది ఏదో ఒక హాయిని , ధైర్యాన్ని , సౌకర్యాన్ని కలిగిస్తుంది .....అదే ఫీలింగ్ ని మనసులో దాచుకోకుండా ప్రియురాలికి చెప్పేస్తాడు .... <3 

సరే పాట అయిపోతుంది .....మళ్లీ ప్రియురాలు ,ప్రియుడు ఎప్పట్లాగే సహజంగా కలుస్తారు ...అప్పుడు ప్రియుడు ప్రియురాలిని ....మళ్లీ ఓసారి ఏడవవా ప్లీజ్ అని అడగడు ..... ప్రియురాలు కూడా అతనికి సంతోషం ఇవ్వడం కోసం కనిపించినప్పుడల్లా కడవలు కడవలు ఏడవదు..... :P

ఏమో ...ప్రియురాలో, ప్రియుడో (జరగదనుకోండి ) ఎవరైనా ఒకరికోసం ఒకరు ఏడిస్తే ....అందులో అవతలివారికి ఏమొస్తుందో నాకు తెలియదు ....

కానీ కొందరు ....తమ కోసం ఎవరో ఒకరు ఏడిస్తే రోజూ చాలా హాయిగా ఫీల్ అవుతూ ఉంటారు .....వీళ్ళు చేసే పనులన్నీ ఏడిపించేవిగానే ఉంటాయి ...

ఎదుటివాళ్ళు వాళ్ళు చేసే పనులకు ఏడుస్తున్నంత కాలం .....అవే పనులు వాళ్లకు ఏడుపు అవసరమైనప్పుడల్లా చేస్తూ ఉంటారు .... ఏడ్చినంత కాలం వాళ్ళను ప్రేమిస్తూ ఉంటారు .....లేదు అంటే ప్రేమించలేరు

ఇక పనులకు ఎదుటివాళ్ళు ఏడవడం ఆపేస్తే  ...కొత్తపనులను ఎంచుకుంటారు .....దీనికి వారు బయట సమాజానికి , కనీసం ఏడ్చేవాళ్లకు కూడా తెలియకుండా .....సామ ,దాన , బేధ , దండోపాయాలను ఎంచుకుంటారు ...

అయినా ఎదుటివాళ్ళు ఏడవలేదు అనుకోండి .....వాళ్ళల్లో ఒక రకమైన క్రూరత్వం ప్రవేశిస్తుంది ...."నువ్వు ఏడిస్తేనే నేను ప్రేమిస్తా ...."అనేవరకు వస్తుంది ....

మనిషీ జీవితంలో ఎక్కువ కాలం ఏడవలేడు కాబట్టి ....వాళ్ళు ఏడవరు ...
వీళ్ళు ప్రేమించరు.....

ఎక్కడ వీళ్ళ బలహీనత బయటపడుతుందో అనే భయంతో ....వారిని సమాజంలో చెడ్డవారిగా చిత్రీకరించడం మొదలుపెడతారు .....ఇక అది వేరే కోణం లోకి వెళ్తుంది అనుకోండి .....

మరి వీళ్ళు బ్రతకాలి అంటే ....వీళ్ళ అహం సంతృప్తి పడాలి అంటే ....వీళ్ళు ప్రేమించగలగాలి అంటేఎవరో ఒకరు ఏడవాలి కదా .....??!! 

అందుకే వాళ్ళు మరెవరినైనా పనికి ఎంచుకుంటారు .....

వారు తనకోసం ఏడ్చే పరిస్థితులు కల్పించడం మొదలు పెడతారు ....ఓసారి ఏడుపు రుచి చూశాక సంతృప్తి పడతారు .....అది ఎక్కడ చేజారిపోతుందో అని అనుక్షణం ఆందోళన చెందుతారు .....వారు ఏడవడం కోసం తపిస్తారు .....

ఇలా ఎప్పుడూ ఇతరుల ఏడుపులో సంతృప్తిని వెతుక్కుంటూ , వాళ్ళ కన్నీళ్లతో ఆనందభాష్పాలు పేర్చుకుంటూ ....వాళ్ళ కష్టంలో తమ ఇష్టాన్ని చూసుకుంటూ ...జీవిస్తూ ఉంటారు ...... :( :( 

తొండ ముదిరి ఊసరవెల్లి అవడం అంటే ఇదే .....!!

అదేదో ఒక ఫీలింగ్ ....జీవితంలో ఒక్కసారి అనుకోకుండా....ప్రేమలో భాగంగా కనిపించేది .....జీవితమే అదైపోయి ....సైకోలుగా మారుస్తుంది కొందరిని .... :( 

అందుకే మన ప్రేమ , మన ఏడుపు , మన సంతోషం తదితర భావాలన్నీ .....ఎవరి ఆటలో పావులు కాకుండా చూసుకోవాల్సిన బాధ్యత మనదే ....!!!

----------------------------------------

గమనిక: నేను సైకాలజిస్ట్ ని కాదు ....నాకెదురైన వ్యక్తుల మనస్తత్వాల ఆధారంగా నేను అర్ధం చేసుకున్నది వ్రాస్తూ ఉంటాను ....!


“Don't leave me….Stay with me….”

“Don't leave me….Stay with me….” “నన్ను వదిలి వెళ్ళకండి .... నాతో ఉండండి….” 
=============================
మీరు చదువుతున్నది నిజమే ....! ఇక్కడ నన్ను అంటే నన్ను అని కాదు .....
నా స్థానంలో ఎవరున్నా అని అర్ధం చేసుకోవాలి .....!
==============================

నేను అధిగమించలేని కష్టాల్లో ఉన్నానని , నాకేం లేదని ….మీకు నేనేం ఇవ్వలేనని ...నన్ను వదిలి వెళ్ళకండి .....
వాటిని అధిగమించిమీ దగ్గరకు వచ్చి ....కష్టాలు ఎదురైనప్పుడు వాటిని నేను ఎలా ఎదుర్కొన్నానో మీకు విడమరిచి చెబుతా ....అలాంటి కష్టాలు మీకు ఎదురైనప్పుడు నాలా దిక్కుతోచని పరిస్థితి మీకు ఉండకపోవచ్చు ...ఇవి కొత్త కష్టాలు కావు ....ఇంతకు ముందు ఒకరు ఎదుర్కొన్నవే అని మీకు తెలిసిరావచ్చు .....అప్పుడు మీకు పరిష్కార మార్గాలు పరిశోధించడం సులువు కావచ్చు ....
నన్ను నమ్మండి ......అందుకే నన్ను వదిలి వెళ్ళకండి ......
-----------------------------------
నేను మీకు సహాయ పడలేనని , మిమ్మల్నే సహాయం అడుగుతానేమో అని ....నన్ను వదిలి వెళ్ళకండి …..
నా కాళ్ళమీద నేను నిలబడి ....అలా నిలబడడం కోసం నేను ఎన్నిసార్లు పడ్డానో .....ఎన్నిసార్లు లేచానో ....ఎన్నిసార్లు ఆసరా కోసం ప్రయత్నించానో ...ఎన్నిసార్లు పరుగులు పెట్టానో ...ఎన్నిసార్లు ఆగిపోయానో ....ఎన్నిసార్లు ఒంటరిగా నడిచానో ...మీకు కళ్ళకు కట్టినట్టు చూపిస్తా .....అప్పుడు మీకు మీ దారిలో తీసే పరుగు నా కంటే త్వరగా పూర్తి చేయగల మార్గాలు తెలియొచ్చు ....
నన్ను నమ్మండి ....అందుకే  నన్ను వదిలి వెళ్ళకండి .....
-----------------------------------
నేను మీతో మాట్లాడడం లేదని , మిమ్మల్ని నాతో మాట్లాడమని అడుగుతానేమో అని .....నన్ను వదిలి వెళ్ళకండి ...
నాతో నేను మాట్లాడడం నేర్చుకోవడం కోసం ....ఎన్నిసార్లు మాటల్ని వాయిదా వేశానో ....మరెన్నిసార్లు గొంతులోనే సమాధి చేయడం నేర్చుకున్నానో  ...ఆత్మీయులని మర్చిపోయేలా చేశానో ....మౌనానికి అంకితం చేశానో ....మీకు మౌన భాష్యం చెబుతా .....అప్పుడు భవిష్యత్తులో మౌనానికే మాటలు నేర్పగల అరుదైన విద్య నేర్చుకోవడానికి మీకు మాటలు ఏర్పడొచ్చు .....
నన్ను నమ్మండి ....అందుకే  నన్ను వదిలి వెళ్ళకండి .....
-----------------------------------
నేను దుఃఖిస్తున్నానని  ....నా కన్నీళ్లు తుడవమంటానేమో అని ....నన్ను వదిలి వెళ్ళకండి .....
కన్నీటిని పన్నీరుగా మార్చడం ఎలా నేర్చుకున్నానో  .....సుడులు తిరిగే కన్నీటిని ఎలా నియంత్రించగలిగానో ....కన్నీటికి అవధులు ,ఆంక్షలు ,ఆనకట్టలు, ప్రవాహ మార్గాలు ఎలా నిర్మించానో ..... మీకు సాక్ష్యాలతో సహా చూపిస్తా ....అప్పుడు మీకు జీవితంలో ఎప్పుడూ కన్నీరు తుడుచుకోవాల్సిన అవసరమే రాకపోవచ్చు ......
నన్ను నమ్మండి .....అందుకే నన్ను వదిలి వెళ్ళకండి .....
-----------------------------------
ఒంటరిగా ఉన్నానని .....మిమ్మల్ని తోడు అడుగుతానేమో అని ....నన్ను వదిలి వెళ్ళకండి ... 
నా ఉనికి ఏమిటో గుర్తుపట్టడానికి , నేనెవరో తెలుసుకోవడానికి , నేనంటే అర్ధం చెప్పడానికి , నాకు నేను అర్ధం కావడానికి ...పరిశోధన చేసిఫలితం మీకు పంచుతా .....అప్పుడు ప్రపంచం అంతా మిమ్మల్ని గుర్తుపట్టొచ్చు ......
నన్ను నమ్మండి .....అందుకే నన్ను వదిలి వెళ్ళకండి .....
-----------------------------------
నేను జీవితంతో పోరాటం చేస్తున్నా అని, మిమ్మల్ని చేయూత ఇవ్వమంటానేమో అని ... నన్ను వదిలి వెళ్ళకండి .....
జీవితం తో పోరాటం చేసేదే జీవితాన్ని గెలిపించడం కోసం ....జీవితమే ఎప్పుడూ చూడని వినని పోరాటం ....జీవితమే ఆశ్చర్యపోయే పోరాటం ....జీవితమే గెలవాలని తపించి తనని తాను ఓడిపోవాలని ఆరాటపడే పోరాటం .....ఎలా చేశానో అర్ధం చేసుకుంటా ....మీకు అర్ధమయ్యేట్టు వివరిస్తా .....అప్పుడు మీరు మీ జీవితాన్ని ఇంకా తక్కువ సమయంలో గెలిపించే మార్గాలు తెలుసుకోవచ్చు ......
నన్ను నమ్మండి ....అందుకే  నన్ను వదిలి వెళ్ళకండి .....
==================================
ఇవన్నీ నేను మీతో చెప్పాలంటే .....నేను వెళ్లొచ్చే వరకు మీరు నాతోనే ఉండాలి .....
మళ్లీ వస్తానో లేదో అనే సందేహం మీకుంటే .....
ఇక సెలవు ... :( :( :( 
మళ్లీ తప్పక తిరిగొస్తాననే నమ్మకం మీకుంటే .....
“Do’nt leave me….Stay with me….” “నన్ను వదిలి వెళ్ళకండి .... నాతోనే ఉండండి….” <3 <3 <3 
అలా ఒక్కరున్నా చాలు ....వాళ్ళే నాకు ఆత్మీయులు .... <3 <3 <3 

Friday, November 18, 2016

ఇలాంటి అందమైన ఇబ్బందులు పెట్టే నా మనసంటే నాకు ప్రేమ

ఇప్పుడు ....జీవితంలో మనం మనిషిగా ఎంతో ఎదిగాం అని ...మనం అప్పుడప్పుడూ అయినా అనుకుంటూ ఉంటాం ....
ఎలాంటి సందర్భాల్లో అనుకుంటాం ....??!!
-ఇంతకు ముందు మనం చేసిన కొన్ని పనులు ....అప్పుడు తెలివైనవిగాను, ఇప్పుడు తెలివి తక్కువగానూ అనిపించినప్పుడు ....,,,,
-ఇంతకుముందు మనం కొందరిని ....అప్పుడు గొప్పవారిగా పూజిస్తే, వారిప్పుడు మనకు అల్పులుగా కనిపించినప్పుడు ....,,
-ఇంకా ముఖ్యంగా ...మనం ఒకప్పుడు భూన భోనాంతరాలు దద్దరిల్లిపోయే విధంగా ఏడ్చిన సమస్యలు ఇప్పుడు ఉఫ్ఫ్ అంటే ఎగిరిపోయే విధంగా కనిపించినప్పుడు ....,,,
-అతి ముఖ్యంగా ....ఒకప్పుడు మనకే అద్భుతంగా కనిపించిన మన భావాలు ఇప్పుడు చదువుతుంటే మనకే సిగ్గుగా అనిపించినప్పుడు ......,,,
అప్పుడు మనకి ఖచ్చితంగా అనిపిస్తుంది మనం ఎంతగా ఎదిగాం అని ....,,,
విచిత్రం ఏమిటి అంటే ..ఇప్పుడు ఎంతో ఎదిగాను అని అనిపించే కొన్ని భావాలు ....కొన్నేళ్ళ తర్వాత చూస్తే నవ్వు తెప్పించొచ్చు ,సిగ్గు కలిగించొచ్చు ....కొన్ని గొప్పవిగా కూడా అనిపించొచ్చు (అప్పుడు కారణాల వలన అయినా భావాలు మనం మర్చిపోతే ...) చెప్పలేను....
ఎదగడం అనేది....ఎదిగాం అని మనం తెలుసుకోవడం అనేది .... మనల్ని మనం నిర్వచించుకోవడం అనేది ...జీవితంలో జరిగే నిరంతర ప్రక్రియ అయినా ....
మనసు మాత్రం ఎప్పటికప్పుడు తన ఫలకంపై ...పాత నిర్వచనాలు దాచేస్తుంది , క్రొత్త నిర్వచనాలు లిఖిస్తుంది ...సరిక్రొత్త నిర్వచనాల కోసం వేచి చూస్తుంది ...తను ఎదుర్కొనే అందమైన ఇబ్బందిని నిరంతరం అనుభవిస్తూనే ఉంటుంది ....
అందుకే అనిపిస్తుంది ...."మనసు మనిషికి దేవుడిచ్చిన అద్భుతమైన వరం "....అని ...,,,,
అంటే నిర్వచనం నా మనసు ఇప్పుడు రాసుకున్న క్రొత్త నిర్వచనం కావచ్చు ,,,, ఇంతకుముందు ...."మనసు మనిషికి దేవుడిచ్చిన శాపం ..." అనే పాత నిర్వచనాన్ని సిగ్గుపడి నా మనసు దాచేసి ఉండొచ్చు ....,,,,
భవిష్యత్తులో ఎదురు కాబోయే సరిక్రొత్త నిర్వచనం కోసం వేచి చూస్తూ ఉండొచ్చు .....,,,,

చెప్పలేను ....ఇలాంటి అందమైన ఇబ్బందులు పెట్టే నా మనసంటే నాకు ప్రేమ అని మాత్రం చెప్పగలను .....!!! :) :) :)

“ఒక్కోసారి నువ్వు చాలా మానవతా వాదివి అనిపిస్తుంది ...

ఒక్కోసారి నువ్వు చాలా మానవతా వాదివి అనిపిస్తుంది ....ఒక్కోసారి మనుషుల్ని చాలా హింసిస్తావనిపిస్తుంది ....”
ఒక్కోసారి చాలా మంచిదానిలా కనిపిస్తావు .....ఒక్కోసారి చాలా చెడ్డ దానిలా కనిపిస్తావు ....”
ఒక్కోసారి చాలా తెలివైన దానిలా ....ఒక్కోసారి చాలా అమాయకురాలిలా కనిపిస్తావు ....”
ఒక్కోసారి చాలా వివేకంగా ఆలోచిస్తావు ....ఒక్కోసారి చాలా అవివేకంగా ఆలోచిస్తావు ....”
ఒక్కోసారి చాలా అలోచించి మాట్లాడినట్లు కనిపిస్తావు ....ఒక్కోసారి చాలా అనాలోచితంగా మాట్లాడినట్లు కనిపిస్తావు ....."
నా గురించి రాసుకుని ....చాలా కష్టపడి చదువుకుని ....నాకు అప్పజెప్పారు ఒకరు ...

"దీనిని బట్టి మీకేం అర్ధం అయింది .....??!! ఏదైనా సరే "చాలా" ఎక్కువ చేస్తాననితక్కువ అస్సలు చేయనని ....అలా చేయడమే నేనుఅని అర్ధమైంది కదా ....." నవ్వుతూ నేను ..... :) :)

Thursday, November 17, 2016

మనిషి ఆదిమకాలంలో నగ్నంగానే తిరిగేవాడు ....

మనిషి ఆదిమకాలంలో నగ్నంగానే తిరిగేవాడు ....

తర్వాత ఏర్పడిన కొన్ని సాంకేతిక సమస్యల వలన ( :P ) ఆకులో ,జంతు చర్మాలో చుట్టుకొని శరీరాన్ని కప్పుకోవడం నేర్చుకున్నాడు ....అది వేరే విషయం ..... :) 

సంగతి... సమాజంలో .....చడ్డీ వేయకపోతే చేతులు అడ్డం పెట్టుకుని బయటకు రావడానికి సిగ్గుపడి ....తలుపు చాటున దాక్కున్న.... పసివాళ్ళనడిగినా ఇట్టే చెప్పేస్తారు ....

సరే ....కాలక్రమేణా వస్త్ర ధారణలో ఎన్నో మార్పులు సంభవించాయి అనుకోండి ....

ఇప్పుడు ....ఎవరు వాళ్ళ శరీరాన్ని ఎంత మేర , దాచాలి అనుకుంటారో ....అంతవరకు దాచుకుని   ....ఎంతవరకు చూపించాలి అనుకుంటారో అంతవరకు చూపించే స్వేచ్ఛ సమాజంలో చాలా మందికి ఉంది అనేది ...నిర్వివాదాంశం (వివాదాంశం కూడా కావచ్చు  :) ) ........

బయటకు సరదాగా షికారుకు వెళ్ళినప్పుడు ఒక రకమైన వస్త్రాలు , ఆఫీస్ కి వెళ్ళినప్పుడు ఒక రకం ....శుభకార్యాలకు , ప్రార్ధనా మందిరాలకు వెళ్ళినప్పుడు మరో రకం ....ఇంట్లో ఉన్నప్పుడు రకం .....పడుకునే ముందు ఇంకో రకం .....ఇలా ....వస్త్ర ధారణ / సౌకర్యంలో మార్పులు చేర్పులు ఉన్నా ....ఎవరి ఇష్టం వచ్చిన వస్త్రాలు వాళ్ళు వేసుకునే స్వేచ్ఛ అయితే మాత్రం ప్రపంచంలో ఎక్కువ శాతం మందికి ఉంది అని నిస్సందేహంగా చెప్పొచ్చు ..

======================================

అయితే మనం మాట్లాడే మాటలు కూడా వస్త్ర ధారణ లాంటివే .....

ఎవరితో ఎలా మాట్లాడాలి ,ఎంతవరకు మాట్లాడాలి .... విషయాలు మాట్లాడాలి ....ఎందుకు , సమయంలో మాట్లాడాలి అనేవి కూడా కాలానుగుణంగా, సందర్భానుసారంగా ..... మారుతూ ఉంటాయి ....

కొందరితో మనం సరదాగా మాట్లాడతాం , మరి కొందరితో పద్ధతిగా మాట్లాడతాం , ఇంకొందరితో ఇంకాస్త చనువుగా ....మరీ ముందుకు వెళితే మనసుకు దగ్గరగా ఉన్నారు అనుకున్న వాళ్ళతో మనసు విప్పి మాట్లాడతాం .....

మనసు విప్పి మాట్లాడడం అంటే ....హాయిగా పడుకునే ముందు సౌకర్యవంతంగా ఉండే డ్రెస్ వేసుకుని పడుకుంటాం చూడండి ....అలా అన్నమాట .... :) 

అయితే అరుదుగా ....కొందరు మాట్లాడితే ....ఏం విప్పుతారో , ఏం మాట్లాడతారో తెలియదు కానీ అసలు బట్టలే వేసుకోకుండా ఆదిమ మానవుడి కాలంలో మనుషులు తిరిగినట్టు .....వీళ్ళు ఇంతకు ముందు 24 గంటల్లో ఏం చేశారు ....రాబోయే 24 గంటల్లో ఏం చేయబోతున్నారు ....అనేది మొత్తం కనిపించిన ప్రతివాడికీ చెబుతూనే ఉంటారు ..... :P 

అలాంటి వాళ్ళను చూసి కూడా మనం... పోనీలే వాళ్ళ  శరీరం.. వాళ్ళిష్టం  , లేదా వాళ్ళ మాటలు వాళ్ళిష్టం  అని అనుకుని సరిపెట్టుకుంటాం .....నగ్నత్వం విప్పి చూపినా ....అర్ధం చేసుకుని , సర్దుకుని ... అవతలకు పోతాం .... :( 

కానీ అరుదుగా కొందరు ఉంటారు .....వాళ్ళ బట్టలు వాళ్ళు విప్పుకుని తిరగడమే కాకుండా ....పక్క వాళ్ళ బట్టలు కూడా లాగి మరీ అందరికీ చూపిస్తారు ..... :( :( 

అంటే ....పక్క వాళ్ళ విషయాలు అన్ని ఇతరులకు ఏకరువు పెడతారు ..... :( 

పైగా ....నా విషయాలు ఇతరులకు చెప్పే హక్కు నీకు ఎవరిచ్చారు అని అడిగితే ....అందులో తప్పేముంది ....నేను విప్పుకుని తిరుగుతున్నా కదా ....నాకేం తప్పు అనిపించలేదు .....అంటారు ..... :( :( 

నాలాగే అంతా విప్పేసుకుని తిరగాలని అనుకోవడం ....అవతలి వాళ్లకు ... సిగ్గు , ఆత్మాభిమానం, గుట్టు .... లాంటివి .... ఉంటాయని అనుకోకపోవడం ....అవి మనం విప్పి చూపించే హక్కు లేదు అని ....తెలుసుకోకపోవడం .....
వీళ్ళ అనాగరిక ఆదిమ సిద్ధాంతం .... :( 

======================================

ఇక అవతలి వాళ్ళను .....ఎవరెవరి సంగతులో ...గుచ్చి గుచ్చి అడిగి మరీ చెప్పించుకునేవాళ్ళ గురించి మనం ఎంత తక్కువ మాట్లాడుకుంటే అంత క్షేమంగా ఉంటాం .... :) 

దుశ్శాసనుడు ద్రౌపదిని వస్త్రాపహరణం చేస్తుంటే .....సభలో చివరన ఎవరికీ కనపడకుండా చీకట్లో కూర్చుని చొంగలు కార్చుకుని ...చప్పట్లు కొట్టిన వారి వంశంలో ఇలాంటి వాళ్ళు (ఇలా ఎవరి విషయాల్లో ఎవరెవరి దగ్గరో ఆరాలు తీసి బ్రతికేవాళ్లుపుట్టి ఉంటారేమో అని నా డౌటనుమానం ...  :) :P :P 


అచ్చమైన అనాగరికులు అంటే వీళ్ళే ....(ఇందులో అనుమానం లేదు ...)  :) :)