Tuesday, January 30, 2018

అర్జునుడి అమ్ములపొదిలో పాశుపతాస్త్రం లాంటివి ...



వాళ్ళు నన్ను తిట్టారు ....అందుకే వాళ్ళని నేను తిట్టాలి ....
వాళ్ళు నన్ను కొట్టారు ....అందుకే వాళ్ళని నేను కొట్టాలి .....
వాళ్ళు నన్ను హింసించారు ....అందుకే వాళ్ళని నేను హింసించాలి ....
వాళ్ళు నన్ను అవమానించారు ....అందుకే వాళ్ళని నేను అవమానించాలి ....ఇలా ....
———
ఇంకా ఎంతకాలం ఈ బూజు పట్టిన భావజాలం …..??!!
అందుకే కాస్త మార్చి చూస్తే .... ??!! 
————————————————————————————
వాళ్ళు నన్ను తిట్టారు ....అయినా వాళ్ళని నేను అభిమానించాలి....
వాళ్ళు నన్ను కొట్టారు ....అయినా వాళ్ళని నేను క్షమించాలి .....
వాళ్ళు నన్ను హింసించారు ....అయినా వాళ్ళని నేను ప్రేమించాలి .... 
వాళ్ళు నన్ను అవమానించారు ....అయినా వాళ్ళని నేను ఆదరించాలి .... ఇలా....
—————
ఓహ్ ...ఎంత బాగుందో కదా ఈ ఆలోచన ....హాయిగా ,ఆనందంగా ,ప్రేమపూరితంగా ....ఈ జీవితానికి ఇలా గడిపేద్దాం ….ఏమంటారూ ??!!  
కానీ …,,,,కొన్నిసార్లు మరో ఆలోచన కూడా అవసరం కావచ్చు ....
———————————————————————————————————
మనల్ని తిట్టిన వాళ్ళను.... "తిట్టు" అనే మాట వింటే ...ఒట్టు ఇంకెప్పుడూ తిట్టను అని వణికిపోయేలా చేయాలి...
మనల్ని కొట్టిన వాళ్ళను....ప్రపంచంలో ఉన్న రకరకాల ఆయుధాలతో రోజూ వాళ్ళను వాళ్ళే కొట్టుకునేలా చేయాలి ....
మనల్ని హింసించిన వాళ్ళను ....నిఘంటువుల్లో హింసకు జీవితాంతం అర్ధాలు రాసుకుంటూ బ్రతికేలా చేయాలి ....
మనల్ని అవమానించిన వాళ్ళను ....అవమానంతో తల కిందకు పెట్టుకుని ..కాళ్ళు పైకి పెట్టుకుని నడిచేలా చేయాలి ...
———————
ఈ ఆలోచనలు కాస్తంత క్రూరమైనవే....కాదనను .... 
కానీ ఇవి అర్జునుడి అమ్ములపొదిలో పాశుపతాస్త్రం లాంటివి ....మన దగ్గర ఉన్నాయని అందరికీ తెలియాలి …కానీ మనం ఉపయోగించకూడదు....మన ప్రాణాలకు , మనుగడకు ప్రమాదం అనుకుంటే మాత్రం ప్రయోగించక తప్పదు .... 
ఇవి మీకు ఎప్పుడూ అవసరం రాకూడదని మనస్పూర్తిగా కోరుకుంటూ ....!!
మీ ప్రియ నేస్తం …శ్రీలక్ష్మి ...  

Sunday, January 28, 2018

దగ్గరగా ఉన్నప్పుడు కొందరిని మనం అర్ధం చేసుకోలేం ...

దగ్గరగా ఉన్నప్పుడు కొందరిని మనం అర్ధం చేసుకోలేం ... 😥
దూరంగా ఉన్నప్పుడు కొందరిని మనం అర్ధం చేసుకోలేం ....😥
ఎవరినైనా ....ఎప్పుడైనా ....నేను అర్ధం చేసుకోవాల్సిన అవసరం వస్తే ....,,,
దగ్గరగా ఉన్నప్పుడు అర్ధం కాని వాళ్లకి దూరం జరిగి అర్ధం చేసుకుంటూ ఉంటా ....🤔
దూరంగా ఉన్నప్పుడు అర్ధం కాని వాళ్లకి దగ్గరగా జరిగి అర్ధం చేసుకుంటూ ఉంటా ....😍
అయితే ....దూరంగా ఉన్నప్పుడు అర్ధం కాని వాళ్లకి .....దగ్గరగా జరిగి అర్ధం చేసుకున్న తరవాత....,నచ్చకపోతే దూరం అవ్వొచ్చు ...నచ్చితే దగ్గరగానే ఉండొచ్చు ....
కానీ .., దగ్గరగా ఉన్నప్పుడు అర్ధం కాని వాళ్లకి .... దూరంగా జరిగి అర్ధం చేసుకున్న తరవాత ...., నచ్చకపోతే దూరంగా ఉండే అవకాశం ఉంటుందేమో కానీ ....నచ్చినా దగ్గరగా జరిగే అవకాశం మాత్రం ఉండదు ....
అందుకే ...దూరంగా జరిగి అర్ధం చేసుకోవాలి అనుకుంటే ....దూరం కావడానికి సిద్ధపడి అడుగు ముందుకేయాలి అనేది ...,,జీవితం తెలుసుకోవాల్సిన సత్యం ....!😀😍😊🤣

మనుషుల్ని పోలిన మనుషులున్నట్టు ....ఆలోచనలను పోలిన ఆలోచనలు ఎందుకుండవు ....??!!


నిన్న నేను ఒక పొరపాటు చేశాను ...😥
ఒకరికి పెట్టాల్సిన మెయిల్ మరొకరికి పెట్టాను ...
నిజానికి...ఆ పొరపాటు చేయాల్సి వచ్చింది కూడా.. ఒక వ్యక్తి ఆ మెయిల్ తనకు పంపించమని చెప్పడం వలన ....వెంటనే పంపించేసా ....😥

కానీ పెట్టాక అనిపించింది ....పొరపాటు చేసానేమో అని ....ఆ మెయిల్ వేరే వ్యక్తికి పంపించాల్సిన మెయిల్ అని ...🤔
కానీ పంపించాక, అప్పటికే డిస్కషన్స్ అయ్యాక ఆలోచించి చేసేదేం లేదు అనిపించింది ....
తర్వాత నా పనిలో నేను బిజీ అయిపోయా ....
కాసేపటి తర్వాత ,,,,,,,
అనుకున్నట్టుగానే ..ఇలాంటి మెయిల్స్ నాకు పెట్టాలి ...మరెవరికీ కాదు అని ...అసలు వ్యక్తి (నేను ఎవరికైతే నియమ నిబంధనల ప్రకారం పంపించాలో ఆ వ్యక్తి ) నుండి మెయిల్ వచ్చింది ....
ఇక్కడ నేను ...నా తప్పేం లేదు ...ఫలానా వ్యక్తి తనకే పెట్టమని చెప్పాడు ...అని తప్పించుకోవచ్చు ....
కానీ పెట్టేముందు.. నేను ఒక్క క్షణం విచక్షణతో ఆలోచించకపోవడం గుర్తొచ్చింది ...🤔
ఇక మరేం ఆలోచించకుండా ....ఇకముందు మరెప్పుడూ ఈ పొరపాటు జరగదని ....విధి విధానాల గురించి తికమక పడడం వలన ఇలా చేసానని ....ప్రయివేట్ మెసేజ్ పంపించి క్షమాపణలు అడగడం ...
క్షమాపణలు ఏం అవసరం లేదు ....నీకు ప్రాసెస్ తెలియాలనే చెప్పాను అని నాకు ప్రయివేట్ మెసేజ్ చేయడం ...
ఇలాంటి తప్పులు భవిష్యత్తులో జరగకుండా ఎలా గుర్తుపెట్టుకోవాలో ...నన్ను నేను సరిదిద్దుకోవాలో....నాకు నేను గట్టిగా తిట్టుకుని మరీ చెప్పుకోవడం ....నిమిషాల్లో పూర్తయింది ....
---------------------------
నా ఇలాంటి ప్రవర్తనలో ...నా స్వార్ధం ఎంతో దాగి ఉంటుంది అనేది ...ఇక్కడ స్పష్టం చేసుకోవాల్సిన అవసరం... నా కోసం దాగి ఉంది....
నా సాధారణ ప్రవర్తన ప్రకారం ...,,,
నేను తప్పు చేసినప్పుడు ...., అలా చేయడానికి ఎవరైనా 99 శాతం కారణం అయి .... నేను ఒక్క శాతం కారణం అయితే ....ఆ ఒక్కశాతం ఇతరుల ముందు అంగీకరించడం వలన ...భవిష్యత్తులో ఆ ఒక్క శాతం కూడా తప్పు చేసే అవకాశాన్ని నేను సరిదిద్దుకోవచ్చు అని ఆలోచిస్తూ ఉంటా ...
ఒకవేళ ....ఇతరులు ఒక్క శాతం కారణం అయి ....నేను 99 శాతం కారణం అయితే ...ఆ ఒక్క శాతం కారణం ఇతరులకు సాకుగా చూపించి ....నేను తప్పించుకుంటే ...తాత్కాలికంగా నేను తప్పించుకోవడానికి అవకాశం దొరికినా ....శాశ్వతంగా నేను దొంగ బ్రతుకు అనే ఊబిలో కూరుకుపోవడం ఖాయం .....
అని ఆలోచిస్తూ ఉంటా ...
ఆ ఒక్క శాతం నా తప్పుని ఇతరుల ముందు అంగీకరించి ....నన్ను తీర్చి దిద్దుకునే ప్రయత్నమే నేను చేసింది ....😍
....................
అయితే ఇంతవరకే జరిగితే ఈ ఆర్టికల్ వ్రాయాల్సిన అవసరం లేదు ....
కొసమెరుపు ఏమిటంటే ....,
ఇది జరిగిన కాసేపటికి .....తనకు మెయిల్ పంపించమన్న వ్యక్తి ....అందరిముందూ బహిరంగంగా ....మెయిల్ పెట్టమని చెప్పింది నేనే అని ....నేను చెప్పడం వలెనే తను అలా చేసింది అని ....తన తప్పు ఏం లేదని ....అందరికీ మెసేజ్ పంపించాడు ....
---------------------
అది చదివాక ...
నాలో ఏర్పడిన ...ఒక అసంకల్పిత ప్రతీకార చర్య ....నా చేతి వేళ్ళతో ...నా కనుల చివర తగిలిన తడి అసహజత్వాన్ని తడిమేలా చేసింది ....😥
బహుశా ....అతను కూడా నాలాగే ...ఎప్పుడూ ...ఒక్క శాతం తప్పుని అంగీకరించి తనను తాను సరిదిద్దుకుంటాడేమో ...🤔
ఏమో .....మనుషుల్ని పోలిన మనుషులున్నట్టు ....ఆలోచనలను పోలిన ఆలోచనలు ఎందుకుండవు ....??!! 🤔
*********************************************

ఈ రోజు ఒక ప్రదేశానికి వెళ్ళడానికి

ఈ రోజు ఒక ప్రదేశానికి వెళ్ళడానికి ఊబర్ తీసుకోవాల్సి వచ్చింది ...
కాబ్ వచ్చాక ... ఎక్కగానే, "గుడ్ ఈవెనింగ్ యంగ్ లేడీ ....హౌ ఆర్ యు" నవ్వుతూ పలకరించాడు కాబ్ డ్రైవర్ ....(ఇక్కడ డ్రైవర్ అనడం బాగుండదేమో ....ఊబర్ వచ్చాక ....ఇంట్లో ఖాళీగా ఉండి కార్ ఉన్నవాళ్లు ....కూర్చుని మాత్రమే పని చేయగలిగే వాళ్ళు , ఇంట్లో వూరికే కూర్చునే బదులు ఏదో ఒక వ్యాపకం ఉంటే బాగుంటుంది అనుకునే వాళ్ళ జీవితాలకు ఊబర్ అనేది ఒక వ్యాపక అవకాశం కల్పించింది అని చెప్పొచ్చు .....)
అతన్ని చూస్తే 70 ఏళ్ళు ఉంటాయనిపించింది ....అమెరికన్ అని చూస్తేనే తెలిసిపోతుంది ....కొందరిని చూడగానే గౌరవభావం కలుగుతుంది ....కారణాలు అన్వేషించకుండానే ....అతన్ని చూస్తే కూడా గౌరవభావం కలిగింది ....ఆ వయసులో కూడా నవ్వుతూ హుషారుగా...ఆనందంగా ... పని చేయడం చూసి ....🙏
"ఫైన్ ..థాంక్స్ ....హౌ ఆర్ యు డూయింగ్" నవ్వుతూ అడిగా ...🙂
పలకరింపులయ్యాక ....నేను చేరుకోవాల్సిన చిరునామా చెప్పి రిలాక్సింగ్ గా కూర్చున్నా ....
అడ్రస్ GPS లో సెట్ చేసాక ...."ఒకే ...ఇప్పుడు మనం గమ్యం చేరుకునేలోగా కాసేపు మాట్లాడుకుందాం ...." అడిగాడు ....నవ్వుతూ
🙂
ఒకింత ఆశ్చర్యంగా అనిపించినా ...."సరే ...." చెప్పా ...
"మీరు ఇండియా నుండి వచ్చారా .." అడిగాడు ...
"అవును " చెప్పా ....
"ఇండియాలో బాగా పాపులర్ అయిన భాషలు ఏంటి ...." అడిగాడు ....
"హిందీ ...." చెప్పా ....
"రైట్ ...."
"తెలుగు ....మా లోకల్ లాంగ్వేజ్ " చెప్పా
"నో " అన్నాడు నవ్వుతూ ....
"ఒకే ....ఇంగ్లిష్ " నవ్వుతూ చెప్పా ..
"ఎస్ ..."అన్నాడు ,,,
"కావచ్చు ....నేనెలా అంగీకరిస్తాను ....నేను ఇండియన్ ని ..." కన్నింగ్ గా నవ్వా ....😜
తను కూడా స్పోర్టివ్ గా తీసుకున్నాడు ....
మొత్తం ...300 భాషలు ఉన్నాయి కదా ఇండియాలో ....అన్నాడు ....
"కాదు 3000, ఇంకా ఎక్కువే ఉండొచ్చు ....
అందుకే మా దేశం ఎంతో అందంగా కనిపిస్తుంది ...."చెప్పా ....😍
"సరే ....నేను చాలా మంది ఇండియన్స్ తో రోజూ మాట్లాడుతూ ఉంటాను ....
"ఇండియన్స్ చాలా స్మార్ట్ కదా ...." అడిగాడు ...😀
"కావచ్చు ....నేను స్మార్ట్ కాదు ...రోజూ నన్ను అందరూ అంటూ ఉంటారు ....నన్ను స్మార్ట్ కాదు అని ....నువ్వు స్మార్ట్ గా ఉండడం నేర్చుకో అని ....నేనూ చాలా ప్రయత్నించా ....వాళ్ళలా స్మార్ట్ గా కావాలని ....కానీ కాలేకపోయా ...." బాధగా చెప్పా ....😭
"అయినా మేమంతా స్మార్ట్ అని మీకెవరు చెప్పారు ...." ఆరా తీసా ....🤔
"నాతో మాట్లాడినవాళ్లు ...ఇండియన్స్ చెప్పారు ...." చెప్పాడు ...
"ఇంతకూ వాళ్ళు స్మార్ట్ అంటే అర్ధం ఏమైనా చెప్పారా .." అడిగా ....
"స్మార్ట్ అంటే ...స్మార్ట్ గా ఉండడమే కదా ...." అడిగాడు ....
"ఓహ్ ....అక్కడే పప్పులో కాలేశారు ...నీ దృష్టిలో స్మార్ట్ అంటే అర్ధం ఏమిటో చెప్పు ...." అడిగా ...🤣
"స్మార్ట్ గా ఉండడం అంటే ....,తెలివిగా ఆలోచించడం ....సమయస్ఫూర్తిగా ఆలోచించడం ...." ఆలోచించి చెప్పాడు ...🤔
"అది ఆక్స్ఫర్డ్ డిక్షనరీ లో ....😀స్మార్ట్ ఫర్డ్ డిక్షనరీ లో, స్మార్ట్ అంటే ....అతి తెలివిగా ఆలోచించడం ....ఎదుటివాడిని ఎలా బోల్తా కొట్టించాలా అని ఆలోచించడం .... " నవ్వుతూ చెప్పా ....🤣
"నిజమా " ఫక్కుమని నవ్వాడు ....😀
"కానీ మీరు తెలివైన ఉద్యోగాలు చేస్తారు కదా ..." సందేహంగా అడిగాడు ...
"కావచ్చు ....మానేజ్మెంట్ అంతా మీదేగా ....మీరు అంతకంటే తెలివైన వాళ్ళు కదా ....."అడిగా ....
చివరగా ......
"ఈసారి నుండి... మీ కాబ్ ఎక్కిన ఇండియన్స్ అందరినీ ...ఒక ప్రశ్న అడగండి ....వాళ్ళ దృష్టిలో స్మార్ట్ గా ఉండడం అంటే అర్ధం ఏమిటి అని ....ఆన్సర్ తెలుసుకోండి ....అప్పుడు మీకు స్మార్ట్ అంటే అర్ధం తెలుస్తుంది ...." చెప్పా ....
"తప్పకుండా అడిగి ....ఈసారి కలిసినప్పుడు ....నీతో చెబుతాను ...."చెప్పాడు ....
-------------------------------
అదన్నమాట సంగతి ....మనం చాలా స్మార్ట్ అని మోత మోగిపోతుందన్నమాట .... ప్రపంచం అంతా .....😂🤣😀😊

Tuesday, January 16, 2018

ఎవరు ఎవరికి శత్రువులు ....??!! ఆలోచించండి....😍

మన స్వీయ రక్షణ కోసం మనం ...మనకు - మన స్నేహితులకు , బంధువులకు , సమాజానికి (వాళ్ళల్లో శత్రువులు ఉంటారేమో అనే భయంతో ) మధ్య ఎన్నో గోడలు నిర్మించుకుంటాం ....
కానీ మనకు - మన శరీరానికి , మనసుకు మధ్య ...ఏ గోడలూ లేకుండా వదిలేస్తాం ....
మన స్నేహితులు , బంధువులు , సమాజం ఎవరైనా మనల్ని చిన్నమాట అనగానే అవి అనిపించుకోకుండా ఉండడానికి , మన పరిగణలోకి తీసుకోకుండా ఉండడానికి ఏం చేయాలో అంతా చేస్తాం ....
చివరకు ఎదురుదాడి చేయడానికీ వెనకాడం ....వాళ్ళను వదులుకోవడానికి వెనకడుగు వేయం ....
ఇదంతా మన స్వీయ రక్షణలో భాగమే ....😍
కానీ ....,, మన శరీరానికి / శరీరంలో ఉన్న అవయవాలకు ...మనం శత్రువులాంటి ఆహారం ఇస్తాం ...అవి వాటి ఆరోగ్యాన్ని ఎలా దెబ్బ తీస్తున్నాయో....హింసిస్తున్నాయో గమనించం....🤔
ఉదాహరణకు విపరీతమైన కారం ....అది లోపలి పంపించగానే కడుపులో మంట మొదలవుతుంది ....రోజూ తినీ తినీ అవయవాలన్నీ పాడయ్యేవరకు తింటూనే ఉంటాం ....😥
అలాగే మనసు ....ఎన్ని కుళ్ళు ఆలోచనలను దాని నిండా నింపుతున్నాం ...అది తట్టుకోలేక ఎంత విలవిలలాడిపోతుందో గమనించం ....అది దాని సహజమైన సున్నితత్వం కోల్పోయి ఎంత క్షోభ పడుతుందో అర్ధం చేసుకోము...అది కోరుకున్న ప్రేమను దానికి ఇవ్వం ....ద్వేషాన్ని నింపాలని చూస్తాం ....😥
నిజానికి సమాజంలో మన శత్రువులు మనకు చేసే హాని కంటే ఎన్నో రెట్లు ఎక్కువ హాని మనం మన శరీరానికి , మనసుకు చేస్తున్నాం ....😥
ఎవరు ఎవరికి శత్రువులు ....??!! ఆలోచించండి....😍

భగవంతుడి ముందు కూడా భయపడాల్సిన అవసరం లేదు ...😍

పరిస్థితులకు అనుగుణంగా , మన శక్తి యుక్తులకు అనుగుణంగా ,,,,ప్రతిరోజూ ....ప్రతిపనిలో ....మనం 100 శాతం శక్తిని ఎప్పుడైతే వినియోగిస్తామో ....
అప్పుడు మన ఎదురుగా ఎవరైనా వచ్చి... ,,,
"నాకు ఇది వచ్చు .....నీకు ఇదిరాదు ...
నాకు ఇది ఉంది... నీకు ఇది లేదు ....
నేను విషయంలో ఇంత గొప్ప ....నువ్వు విషయంలో ఇంత తక్కువ ...
నువ్వు పని సరిగా చేయలేదు ....నేను విపరీతంగా విరగదీశాను ...."అని ఎగతాళి చేసినా కూడా ...
మనం నవ్వుతూ "అవునా" అంటాం ....🤣
ఎప్పుడైతే మనం మన పని ... క్షణంలో అయినా ...సక్రమంగా చేయనప్పుడు , మన శక్తి యుక్తులను 100 శాతం ఉపయోగించనప్పుడు....
ఎదుటివాళ్ళు మనల్ని ఎగతాళి చేసినప్పుడో , కించపరచి మాట్లాడినప్పుడో.... కడవలు కడవలు ఏడుస్తాం ....😭
నన్ను ఇలా అంటారా ....అలా అంటారా అని ....😜
అందుకే, మన పని మనం సక్రమంగా చేస్తే ....భగవంతుడి ముందు కూడా భయపడాల్సిన అవసరం లేదు ...😍

లేదా ....మన బతుకు భయం బస్టాండే....🤣

Monday, January 15, 2018

మనం ఎప్పుడు ఇతరుల సలహాలు వింటాం ...??!!

మనం ఎప్పుడు ఇతరుల సలహాలు వింటాం ...??!!
మనం వినాలి అనుకున్నప్పుడు మాత్రమే వింటాం ....వినకూడదు అనుకున్నప్పుడు వినం ...
అయితే అలా అనుకోవడంలోనే అసలు రహస్యం దాగి ఉంది ....
ఎవరి సలహాలు అయితే వినాలి అనుకుంటామో ....వాళ్ళ దగ్గరకు వెళ్లే ముందు మనం, మన మెదడుని బలహీనంగా చేసుకుంటాం ....లేదా బలంగా ఉంచుకోము...
ఆ సమయంలో వాళ్ళు ఏది చెప్పినా మెదడు స్వీకరిస్తుంది ....పాటించడానికి సమాయత్తం అవుతుంది ....
ఎప్పుడైతే ఎవరి మాట అయితే వినకూడదని అనుకుంటామో ...వాళ్లకు ఎదురయ్యే ముందు మనం, మన మెదడుని బలపరచుకుని వెళ్తాం ....ఆ సమయంలో వాళ్ళు ఏదైనా చెప్పగానే తిరస్కరిస్తాం ....లేదా దానికి వ్యతిరేకమైన సూచనలు మన మెదడుకి మనం ఇచ్చుకుంటాం ...ఆ తిరస్కరించే శక్తిని మనం ముందే ఏర్పరచుకుంటాం కాబట్టి.....
మనం ఎవరి మాట వింటాం ....ఎవరి మాటలు వినం అనేది అంతా మనం మన మెదడు కి ఇచ్చుకునే సూచనలపై ....ఉంచుకునే స్థితిపై ....ఆధారపడి ఉంటుంది ....
అలాగే సలహాలు ....ఇచ్చేవాళ్ళు కూడా ఎక్కువశాతం మంది అంతే....
వాళ్ళు ఎప్పుడైనా ఎవరికైనా సలహాలు ఇవ్వాలి అనుకుంటే ....ముందుగా ఎదుటివాళ్ళ మెదడుని బలహీనపరచి ఇవ్వాలి అనుకుంటారు ...
బలవంతపు మత మార్పిడులు కూడా అలాంటి కోవలోకే వస్తాయి ....
వాళ్ళ కష్టాలను ఆసరాగా చేసుకుని ....ముందుగా వాళ్ళ మెదడుని బలహీన పరుస్తారు ....తర్వాత వాళ్ళు చెప్పినమాట వినేలా వశపరచుకుంటారు ....
వాళ్ళు చెప్పేవి నమ్మడం వలన మా కష్టాలు తీరుతాయి అనే నమ్మకం... ఆ క్షణంలో ఎవరేం చెప్పినా వినేలా ప్రేరేపిస్తుంది ....
మనిషి కష్టంలో ఉన్నప్పుడు మెదడు ఆలోచనా శక్తిని కోల్పోయి బలహీనపడుతుంది ....
సాధారణంగా మెదడు బలంగా ఉన్నప్పుడు ఎవరి సలహాలూ ఆశించదు....తనకు తానే సమస్యలను పరిష్కరించుకునే శక్తిని ..నిర్ణయాత్మక శక్తిని కలిగి ఉంటుంది ....
సలహాలు నిజంగా ఎదుటివాళ్ళ బాగుకోరి ఇవ్వాలి అనుకునేవాళ్లు ....ఎదుటివాళ్ళ మెదడుని బలపరచి సలహాలు ఇవ్వాలి ...
ఉదాహరణకు ...., ఎదుటివాళ్ళు ఏడుస్తూ ...తమకు ఒక కష్టం వచ్చింది అని చెప్పుకుంటే ....ముందు వాళ్ళు దుఃఖం లోనుండి బయటపడే సమయం ఇచ్చి ....తర్వాత ఆ కష్టం గట్టెక్కే మార్గం చెప్పాలి ....
అంతేగానీ సమయం దొరికింది కదా అని ....ఏడుస్తూ ఉన్నప్పుడే ...ఇంకా ఏడుపు ఎక్కువ చేసి ...డిప్రెషన్ లోకి వెళ్లేలా చేసి ....చూశావా నా మాట వినకపోవడం వల్లే నీకిలా జరిగింది అని బ్లాక్ మెయిల్ ప్రారంభించకూడదు ....
మనిషి మెదడుని బలపరచి ఇచ్చే సలహాలు...అప్పటికప్పుడు ఆశించిన ఫలితాలు చూపకపోయినా .... దీర్ఘ కాలంలో మనిషి మూలాల్లో మార్పుకి దోహదం చేస్తాయి ....😍
మనిషి మెదడుని బలహీనపరచి ఇచ్చే సలహాలు ....అప్పటికప్పుడు ఫలితాలు చూపినా ...అవి తాత్కాలికం మాత్రమే ....!