Monday, April 30, 2018

"నువ్వు ఎంత స్వార్ధంగా ఆలోచిస్తున్నావో ....??!!"

"నువ్వు ఎంత స్వార్ధంగా ఆలోచిస్తున్నావో ....??!!" ఒకరు నాతో ..
చిరునవ్వు ....(నాదే )😊
"నువ్వు ఎంత చెడ్డ దానివో ...??!! మరొకరు నాతో ....
మళ్ళీ చిరునవ్వే ....(ఇది కూడా నాదే )😊
"నువ్వు అబద్ధం కూడా చెప్పగలవా ??!! " ఒకరు నాతో ...
"నేను నిజాలు మాత్రమే చెబుతాను అని ఎవరికీ హామీ పత్రం వ్రాసి ఇవ్వలేదే...??!!" నవ్వుతూ నేను ...😃
"నువ్వు మహా తెలివైన దానివి ...నీ అంత తెలివితేటలు నాకు లేవు "
"ఏమో ఎలా నేర్చుకున్నానో తెలియదు .... కావచ్చు" నవ్వుతూ నేను ...🤣
"నీకు పొగరు ...."
"అవును ...చాలా ..." ఒప్పుకోలుగా నేను 😂
"నీకు అహంకారం ...."
"మీ అభిప్రాయాన్ని గౌరవిస్తున్నా ...." నవ్వుతూ నేను 😘🤣😂
-----------------------------------------
ఈ మధ్య తరచూ నా మొహం మీదే ఇలాంటి మాటలు నాకు వినిపిస్తున్నాయి ....😍
నిజానికి నాకు ఇలాంటి మాటలు ఇదివరకు ....అంటే చిన్నతనం నుండి విన్నప్పుడు ....కడవలు కడవలు ఏడుపొచ్చేది ....😭
ఇప్పుడైతే నాకు ఇలాంటి మాటలు వింటే చాలా ఆనందం కలుగుతుంది ....
నవ్వు కూడా వస్తుంది ....నవ్వంటే మామూలు నవ్వు కాదు ....సంపూర్ణమైన ....సంతృప్తితో కూడుకున్న నవ్వు ....హాయైన నవ్వు ....ఆహ్లాదకరమైన నవ్వు ....నాకు నేను అర్ధమైన నవ్వు ...🤣😃😂
--------------------------------------------------
అసలింతకీ ...ఇదివరకు ఎందుకు ఏడుపొచ్చేది అని ఆలోచిస్తే ....🤔
ఎవరైనా స్వార్ధంగా ఆలోచిస్తున్నావు అంటే ....అది అప్పుడు నిజం కాదు కాబట్టి ...🙅‍♀️
చుట్టుపక్కల వాళ్ళ గురించి తప్ప నా గురించి నేను ఆలోచించలేదు ....
ఎప్పుడూ మీరు తిన్న తర్వాత మిగిలితే నాకు అనేదాన్ని ....
మీరు చదువుకున్న తర్వాత నేను చదువుకుంటా అనేదాన్ని ....
మీరు బట్టలు కొనుక్కున్న తర్వాత అందరికీ సరిపోయిన తర్వాత మిగిలితే నాకు అనేదాన్ని ....మీరు అస్సలు నా గురించి ఆలోచించకండి ....నేనున్నానని మర్చిపోండి అనేదాన్ని ....😈
అసలు ఎవరో ఏమిటి ....నా గురించి నేను కూడా ఆలోచించని ఆ రోజుల్లో నేను నాతో సహా అందరికీ నిస్వార్ధ పరురాలిని ....నేను మంచిదాన్ని ....నేను ఉత్తమురాలిని ....🙏
నన్ను అలాంటి నిస్వార్ధం అనే స్వార్ధంలో సమాజం , బంధువులు , నేను ఉంచకపోతే ....నేను నిస్వార్ధం అనే భావంలో నుండి బయటపడితే ....నేను త్యాగమూర్తిని కాలేను ....అందుకే కొన్ని శతాబ్దాల కాలం పాటు నేను నిస్వార్ధం లో ఉండిపోయా ....🙇‍♀️
అప్పట్లో నువ్వు స్వార్ధపరురాలివి అని ఎవరైనా అంటే మరి నేను కడవలు కడవలు ఏడవనా ....అది అబద్ధం కదా ...??!! 😥
కానీ ఇప్పుడు ....నేను స్వార్ధపరురాలినే ....😜
నన్ను నేను రోజూ పలకరించుకుంటున్నా ...నన్ను నేను పరామర్శించుకుంటున్నా ....నన్ను నేను సంతోషింపజేసుకుంటున్నా ...నన్ను నేను ప్రేమించుకుంటున్నా....మొత్తానికి నా గురించి నేను ఆలోచిస్తున్నా ....😍
అందుకే ఇప్పుడు ఎవరైనా నన్ను స్వార్ధపరురాలివి అంటే నాకు కోపం రాకూడదు కదా ....😀☺️😊
అదే ఇప్పుడు నువ్వు నిస్వార్ధపరురాలివి అని చూడండి ....నేను కడవలు కడవలు ఏడుస్తా....😥😂
---------------------------------------
అలాగే ....అబ్బా నువ్వు ప్రాణం పోయినా అబద్ధం చెప్పవు కదా ...అనే రోజుల్లో ...నన్ను నేను నిజాలు తప్ప అబద్ధాలే లేవని నమ్మించిన రోజుల్లో ....,,🤔
నా మాట ఎవరైనా నమ్మకపోతే ....నా అంత నిలువుటెత్తు నిజాయితీ మాట నమ్మకపోతారా ...వ్వామ్మో ...అని కడవలు కడవలు ఏడ్చేదాన్ని ....😥😂
మరి ఇప్పుడు అబద్ధాలు చెప్పాల్సొస్తే హాయిగా అందరిలాగే చెప్పేస్తున్నా ....
మరి ఇప్పుడు నువ్వు అబద్ధాల కోరువి అంటే ...హాయిగా ఉండాలి కదా ....🤔😍😊
అదే ....నిజాయితీ పరురాలివి అని చూడండి ....నిజంగా నిజం (ఇది అబద్ధం కానే కాదు )...కడవలు కడవలు ఏడుస్తా ....😥😂
-------------------------------------------
మొత్తానికి ...అదన్నమాట ...
ఇప్పుడు చెప్పండి ....ఎవరెన్ని అన్నా ... హాయిగా ...సంతోషంగా ఉన్నా ....అంటే ...అతిశయోక్తి కాదు కదా ...??!! 😍☺️😊😘

Sunday, April 29, 2018

మనిషి జీవితం.... మనుగడ ...అనేవి అనేక లక్షణాల సమ్మిళితం ..

మనిషిలో సహజంగా కొన్ని లక్షణాలు ఉంటాయి ....
వాటితో మనం మన జీవనాన్ని సాగించాలి అనుకుంటాం .....
నిజానికి అదే సరైన జీవన విధానం కూడా ....
కానీ..., కొన్ని సార్లు మనకు మన సహజ లక్షణాలతో జీవితం ముందుకు సాగదు ....
అప్పుడే సమాజం లో మనుగడ కోసం ....సమాజం ఆమోదించే కొన్ని లక్షణాలను మనం అలవరచుకుంటాం ....
ఉదాహరణకు .....
మనలో ఉన్న సహజ లక్షణం ధైర్యం అనుకోండి .....కానీ కొన్నిసార్లు ధైర్యం పనికిరాదు ....కొన్ని నిర్ణయాలు తీసుకోవడానికి భయపడాలి ....ఆ నిర్ణయాల ఫలితాలు మన ఒక్కరిమీద కాకుండా మన చుట్టూ ఉన్నవాళ్ళ మీద కూడా ప్రభావం చూపిస్తున్నప్పుడు ధైర్యంగా అడుగు ముందుకు వేయలేం ....అప్పుడు సమాజం మనల్ని పిరికివాళ్ళు అని ముద్ర వేసినా సరే .... పిరికితనం తోనే ముందుకు వెళ్ళాలి ....మనలో సహజంగా లేని పిరికితనాన్ని అలవరచుకోవాలి .....
మనలో ఉన్న సహజ లక్షణం నిజం అనుకోండి.....కానీ కొన్నిసార్లు నిజం చెప్పలేం ...ఆ నిజం వలన మనకే కాకుండా ....సమాజానికి , మన ఆత్మీయులకు కూడా నష్టం జరిగే అవకాశం ఉంటుంది....అప్పుడు అబద్ధమే చెప్పాలి ....
అలాగే మనలో సహజ లక్షణం భయం అయితే ....ఎప్పుడూ భయపడుతూ ఉంటే ....జీవితాన్ని కొనసాగించలేం ....కొన్ని క్షణాల్లో ధైర్యంగా అడుగు ముందుకేయాలి ....
మనలో సహజ లక్షణం అబద్ధాలు చెప్పడం అయితే ....కొన్నిసార్లు తప్పనిసరిగా నిజమే చెప్పాల్సి రావచ్చు ...లేకపోతే మనుగడ అసాధ్యం కావచ్చు ...
-------------------------------------
సహజ లక్షణం ఏదైనా ....అందుకు విరుద్ధంగా ఏ లక్షణాన్ని కనపరచాల్సి వచ్చినా ....మనిషి మనుగడకు ఏ లక్షణం అయితే అనివార్యమో అది అవసరమైన చోట ప్రదర్శించక తప్పదు ....🤔
మేమెప్పుడూ అబద్ధం చెప్పలేదు ....మేమెప్పుడూ తప్పు చేయలేదు అని ....ఎవరైనా అంటే...అంత హాస్యాస్పదమైన మాట మరొకటి ఉండదు .....🤣
మనిషి జీవితం.... మనుగడ ...అనేవి అనేక లక్షణాల సమ్మిళితం ...ఎప్పుడు ఏది అవసరం అయితే అదే ....!😍👍😊

అది నిజమైన నాయకుడికే సాధ్యం ....!

లీడర్స్ ....
సాధారణంగా రెండు రకాల లీడర్స్ ఉంటారు ...
ఒకరు తాను ముందు ఉండి తన సైన్యాన్ని నడిపించేవాడు ....
మరొకరు తాను వెనక ఉండి తన సైన్యాన్ని నడిపించేవాడు ....
ముందు ఉండి నడిపించేవాడు తాను పని చేసి చూపించి వెనక ఉన్నవాడిని చేయమని చెప్పాలి ....అప్పుడే వెనక ఉన్నవాడు కదిలి వస్తాడు .....అంతవరకు అతనికి ఆ పని ఎలా చేయాలో తెలియదు ....లేదా ఆ పని ఇలా చేయాలని చూపిస్తేనే చేయగలడు ....లేకపోతే ఇతరులు చేస్తేనే వీళ్ళకి చేయాలనిపిస్తుంది ....🤔
ఇక తాను వెనక ఉండి ....తన సైన్యాన్ని నడిపించేవాడు ....ఫలానా పని చేయండి అని ప్రోత్సహించాలి .....వెనక ఉండి ముందున్నవాళ్లను తరుముతూ ఉండాలి ....పదండి పదండి అని అనుక్షణం ప్రోత్సహిస్తూ ఉండాలి .....🤔
ఈ రెండురకాల లీడర్స్ ప్రపంచం అంతా తెలుసు .....లీడర్ అంటేనే ఇది సహజం ...కారణం ఏదైనా లీడర్ ఈ మాత్రం కష్టపడక తప్పదు అనుకుంటాం ....
అరుదుగా కొందరు లీడర్స్ ఉంటారు ....
ఇతను ఆ పనికి , ఆ వ్యక్తులకు ఎలాంటి వాతావరణం అవసరమో ఆ వాతావరణం సృష్టించి పని చేయిస్తాడు .....అవసరం అయితే పని చేసి చూపిస్తాడు ....లేదా పదండి ముందుకు అని ప్రోత్సహించి పని చేయిస్తాడు ....అవసరాలకు తగ్గట్టు తన నాయకత్వ లక్షణాలను అనుక్షణం మార్చుకుంటాడు ....😍
ఏది ఏమైనా పని చేయిస్తాడు ముందు ....నిజంగా అలాంటి వాళ్లకు మనం కృతజ్ఞతలు చెప్పాలి ....👍
చాలా మంది అనుకుంటారు ....ఆ .., లీడర్స్ అంటే వాళ్ళు మనుషుల్ని మానేజ్ చేయడమే కదా అని ....
మనుషుల్ని మేనేజ్ చేయడం కాదు వాళ్ళు చేస్తుంది ....మనుషుల మైండ్స్ ని మేనేజ్ చేస్తున్నారు ...
అది అంత ఈజీ అయిన పని కాదు ....🙅‍♀️
ఒక మెదడుని కదిలించి ముందుకు నడిపించడం అంటే ....వెయ్యి ఏనుగులని ఒంటి చేత్తో లాగడం అంత బలమైన పని ....
అది కూడా చిన్నతనం నుండి బండబారిపోయిన , మొండికేసిన , వంకర పోయిన మెదడులను సరిచేసి ....కదిలించాలంటే ....మరో వెయ్యి ఏనుగులను మందలో కలిపి ....లెక్కపెట్టకుండా ....చిటికెన వేలితో లాగడం లాంటిది అన్నమాట ....
అది నిజమైన నాయకుడికే సాధ్యం ....! 😊😍