Friday, November 24, 2017

ఒక్క ఆత్మకు మాత్రమే నిజాన్ని చూసే శక్తి ఉంది

"మనిషి నమ్మకమే అన్ని అనర్ధాలకు కారణం .....నిజం వేరు ...నమ్మకం వేరు ..." ఒకరు ఇలా చెప్పారని ఒకరు నాతో ....🙂
"మనిషి నమ్మకమే మనిషిని బ్రతికిస్తుంది .....నిజం వేరుగా ఉండొచ్చు ....కానీ నిజాన్ని చూసి ...భరించే శక్తి మనిషికి లేదు ....నిజాన్ని చూసిన క్షణమే మనలోని మనిషి మరణిస్తాడు ....ఒక్క ఆత్మకు మాత్రమే నిజాన్ని చూసే శక్తి ఉంది .....కానీ ఆ నిజాన్ని చూసిన క్షణం తర్వాత ఆత్మ, అబద్ధం .. ఓ నమ్మకం అయిన ...ఈ మనిషిని అసహ్యించుకుంటుంది .... ఈ దేహంలో ఉండడానికి ఇష్టపడదు....అందుకే మనిషి దేహం ఆత్మకు నిజాన్ని చూపించదు...నమ్మకాన్నే చూపిస్తుంది .....ఇది కూడా నిజం కాదు ...నా నమ్మకం" నా సమాధానం .....🤔

అదే నా మీద నాకు నమ్మకం ఉండడం అంటే ...!

ఓ వ్యక్తి ....నన్ను ఇష్టపడలేకపోతే .....ఈ ప్రపంచంలో ఇంకెవరినీ ఇష్టపడలేని స్థితిలో ఉన్నాడని అనుకుంటే ....,
ఓ వ్యక్తి ....నాతో మాట్లాడలేకపోతే ....ఈ ప్రపంచంలో ఇంకెవరితోనూ మాట్లాడలేని స్థితిలో ఉన్నాడని అనుకుంటే .....,
ఓ వ్యక్తి ....నాతో తన అభిప్రాయం వ్యక్తం చేయలేకపోతే ...ఈ ప్రపంచంలో ఇంకెవరి ముందూ ఏ అభిప్రాయమూ వ్యక్తం చేయలేని స్థితిలో ఉన్నాడని అనుకుంటే .....,
ఓ వ్యక్తి ....నన్ను ప్రేమించలేకపోతే ....ఈ ప్రపంచంలో ఇంకెరినీ ప్రేమించలేని స్థితిలో ఉన్నాడని అనుకుంటే ....,
అదే నా మీద నాకు నమ్మకం ఉండడం అంటే ...!😍

ఇదొక రకమైన మానసికక్రీడ..!

కొంతమంది ఉంటారు ....
సంభాషణ మొదలుపెడతారు మనతో ....
మొదటి కాసేపు బాగానే ఉంటుంది ....🙂
తర్వాత వారికి సామరస్య సంభాషణ రుచించదు ....🙄
వెంటనే మనకు కోపం తెప్పించేలా ఏదో ఒకటి అంటారు ....
మనకు వారి ఆంతరంగిక అభిప్రాయం అర్ధం కాకపోతే, వారు కోరుకున్న విధంగా కోప్పడతాం ....😡
వారు శాంతపూరిత స్వభావం ఉన్నట్టు మానవత్వం ప్రదర్శిస్తారు ....పనిలో పనిగా మనల్ని దుర్మార్గులుగా చిత్రీకరించి ....వాళ్ళ అహం సంతృప్తి పరచుకుని ...ఆ రోజుకి సమాజంలో మనిషిగా బ్రతకడానికి సరిపడా శక్తిని సంపాదించుకుంటారు .....
కొన్నిసార్లు మనకు అర్ధం అయితే ...., మనం కోప్పడం ...😷
అప్పుడు వారు మరో విధంగా కోపం తెప్పించడానికి ప్రయత్నిస్తారు ....
అయినా సంయమనం పాటిస్తే ...ప్రపంచంలో ఉన్న అన్ని విధాలుగా ప్రయత్నించి (చివరకు మన జాతి ని , నీతిని అవమానించి అయినా ) మనకు కోపం తెప్పించడంలో సఫలీకృతులు అవుతారు .....😡
తప్పదు ....అది వారి మనుగడ కోసం ....అవసరమైన అహం సంతృప్తి కోసం చేసే ఒకవిధమైన జీవన పోరాటం ....
వారి అంతిమ లక్ష్యం మాత్రం ...ఎదుటివారిని ....ఏదో ఒక విధంగా.... మానవత్వం లేనివారిగా , దుర్మార్గులుగా , బాధ్యతలే లేని వారిగా , చేతకానివారిగా చిత్రీకరించడమే ....
తద్వారా వారిలో ఎదుటివారికంటే మెరుగుగా అవన్నీ తమలో ఉన్నాయని సంతృప్తి పడడమే .....😥
సంభాషణ ఇరువురిచే సామరస్యంగా ప్రారంభించబడి....వారిచే వక్రీకరించబడి .... చివరకు వారిచే సామరస్యంగా ముగించబడుతుంది ....
ఇదొక రకమైన మానసికక్రీడ..!🤔
(గమనిక : నేను మానసిక శాస్త్రం అధ్యయనం చేయలేదు ....రోజూ నాకెదురయ్యే వ్యక్తులతో నాకు ఏర్పడిన వ్యక్తిగత అభిప్రాయాల ఆధారంగా చెప్పినవి మాత్రమే ...!)

Saturday, November 18, 2017

వీళ్ళు జీవితాంతం ఇతరుల సంతోషానికి కాపలా దారులే ....

కొందరి సంతోషం ఇతరుల సంతోషంపై ఆధారపడి ఉంటుంది ....
అంటే ఇతరులు సంతోషంగా ఉంటేనే వాళ్ళు సంతోషంగా ఉంటారని కాదు ....
ఇతరులు ఏ మాత్రం సంతోషంగా ఉండే అవకాశం లేదని నిర్ధారణ చేసుకున్న తర్వాతే వాళ్ళు సంతోషంగా ఉండగలరు ....
ఇతరులు ఏ విషయంలో అయినా సంతోషంగా ఉన్నారని గమనించారా ...వాళ్ళ దుఃఖానికి అవధులు ఉండవు ...
అప్పుడేం చేస్తారు ....
వాళ్ళు ఆ దుఃఖాన్ని భరించలేరు కాబట్టి ....దాన్ని పోగొట్టుకోవాలి అంటే ....ఇతరులను దుఃఖం లోకి నెట్టడం తప్ప వేరే మార్గం లేదు ....
మన జీవితంలో అలాంటి వాళ్ళు మనకు ఎదురైతే ....మనం సంతోషంగా ఉన్నా కూడా వాళ్లకి చెప్పకూడదు ...లేదండీ పొద్దుటినుండీ ఏడుస్తూనే ఉన్నాను ....అని చెప్పాలి ....
అప్పుడు వాళ్ళు ...అయ్యో అలా ఏడిస్తే ఎలా ....నాలుగు స్వాంతన వచనాలు పైకి చెప్పి ...లోలోపల ....హమ్మయ్య అనుకుంటారు .....
ఒకవేళ ఇతరులు సంతోషంగా ఉన్నాం అని చెప్పినా ....ఎందుకు మీరు సంతోషంగా ఉన్నారు అని కారణాలు తెలుసుకుని ....అది అబద్ధం అని ....మీరు అనవసరంగా సంతోషంగా ఉన్నారని నిర్ధారించే వరకు నిద్రపోరు ....
వీళ్ళు జీవితాంతం ఇతరుల సంతోషానికి కాపలా దారులే ....
కాటికాపరుల జీవితమే వీళ్ళ కంటే నయం ....వీళ్ళు శవాన్ని పూర్తిగా కాల్చి వాళ్ళ ఆత్మకు శాంతిని చేకూర్చి ....సంతోషిస్తారు ....
వీళ్ళు ఇతరుల సంతోషాన్ని కాల్చి వాళ్ళ దుఃఖానికి శాంతిని చేకూర్చుకుని ...సంతోషిస్తారు ....!

Tuesday, November 7, 2017

అదే ....జీవన ధ్యానం ...🧘‍♀️

కొందరు మైండ్ ని ఖాళీగా ఉంచుకుంటారు (ఎందుకు ఉంచుకుంటారో కారణాలు అన్వేషించాలి )🤔
కొందరు మైండ్ ని నిండా నింపుకుంటారు ....(ఎందుకు నింపుకుంటారో ..ఏం నింపుకుంటారో అన్వేషించాలి ) 🤔
అయితే రెండు రకాల వ్యక్తులను పరిశీలిస్తే ....🤔

నింపుకున్నవాళ్ళు పదిమాటలు మైండ్ లో నింపాక .....నింపాదిగా ఆలోచించి .....అత్యంత అవసరమైన ఒక్కొక్క మాటను బయటకు చెప్తారు .....ఆ మాట కూడా విలువైనదా కాదా .....అది ఎదుటివాళ్ళకు అర్ధమవుతుందా ....ఉపయోగపడుతుందా .....చుట్టూ ఉన్నవాళ్లకు ఏదైనా హాని కలిగిస్తుందా.....చెప్పాక ఎట్టి పరిస్థితుల్లోనూ ఆ మాట వెనక్కి తీసుకోకూడదు .... పర్యావరణం దెబ్బ తింటుందా ....ఇలా రకరకాలుగా ఆలోచించి .....బయటకు విడుదల చేస్తారు .....😍
ఇక మైండ్ ని ఖాళీగా ఉంచుకునేవాళ్ళు ...మైండ్ లోకి వచ్చింది వచ్చినట్టు ....తెచ్చింది తెచ్చినట్టు ఖాళీ చేస్తారు ....రేకు డబ్బాలో రాళ్ళేసి గల గల గిలకొట్టినట్టు ....ఒకటే నస....ఎదుటివాళ్ళని ఏం చెప్పనియ్యరు ....నోటికి ఏదొస్తే అదే ....కాదు కాదు ....మైండ్ ని ఎప్పటికప్పుడు ఖాళీ చేయాలనే తొందరలో ....అంతా వచ్చింది వచ్చినట్టు కక్కేస్తూ ఉంటారు ....చుట్టూ ఉన్నవాళ్లు ఇబ్బంది పడతారా ....బాధింపబడతారా అనే విచక్షణే ఉండదు ....ఎవడెలా పొతే నాకేం అన్నట్టు ....ఏదో ఒకటి అనేయడం....సారీ సారీ అనడం ....
ఇలాంటి వాళ్ళ వల్ల...అందరి మెదళ్ళూ హరించివేయబడతాయి ....పీడించబడతాయి ...
పర్యావరణ కాలుష్యం ....శబ్ద కాలుష్యం ....అసహన కాలుష్యం ....ఒకటనేమిటి ....అంతా కాలుష్యమే ....😥
ఈ కాలుష్యాన్ని అరికట్టాలి ....దీనికి ధ్యానం ఒక్కటే నాకు తెలిసిన మార్గం ....🧘‍♀️
మనం ప్రశాంతంగా బ్రతకాలి ....ఇతరుల్ని ప్రశాంతంగా బ్రతకనివ్వాలి ....😍
అదే ....జీవన ధ్యానం ...🧘‍♀️

Wednesday, November 1, 2017

స్త్రీ పురుషుల మధ్య ఇదొక ఆకర్షణా ప్రక్రియ ..

స్త్రీని పురుషుడు, తను చాలా సంతోషంగా ఉన్నప్పుడు పలకరించాలని అనుకుంటాడు ....
స్త్రీ పురుషుడిని, తను చాలా దుఃఖంలో ఉన్నప్పుడు పలకరించాలని అనుకుంటుంది ....
పురుషుడు దుఃఖంలో ఉన్నప్పుడు స్త్రీ అవసరం రాకుండా చూసుకోవాలి అనుకుంటాడు ....
స్త్రీ దుఃఖంలో ఉన్నప్పుడు పురుషుడి అవసరం ఉండాలని అనుకుంటుంది .....
పురుషుడు సంతోషంగా ఉండాలని ....బలమైన స్థితిలో ఉండాలని ....ఉంచాలని ...స్త్రీ అనుక్షణం ప్రయత్నిస్తుంది ..
స్త్రీ అబలగా ఉండాలని ....బలహీన స్థితిలో ఉండాలని ....ఉంచాలని... పురుషుడు అనుక్షణం ప్రయత్నిస్తాడు .....
పురుషుడు సంతోషంగా ఉండాలని ....తనను పలకరించాలని స్త్రీ
కోరుకుంటుంది ....
స్త్రీ దుఃఖంలో ఉంటే తన అవసరం ఉంటుంది కాబట్టి తనను పలకరిస్తూ ఉంటుందని పురుషుడు ఆశిస్తాడు ....
ఇదంతా ఒకరికి తెలియకుండా , మరొకరు ప్రయత్నిస్తూ ఉంటారు ..
ఆలా అని ఇది తప్పు అని చెప్పలేం ....స్త్రీ పురుషుల మధ్య ఇదొక ఆకర్షణా ప్రక్రియ ..... 😍
కాకపోతే ఇది శృతి మించితేనే ....బంధాలు దెబ్బతింటాయి ..... 
(గమనిక : ఎప్పటిలాగే ఇది కొందరికే వర్తిస్తుంది ....  )

చిన్నతనంలో మా దగ్గర ....

చిన్నతనంలో మా దగ్గర ....
అంటే ...మా గుప్పిట్లో ఏదో ఉందని ....దాచాం అని ...స్నేహితుల్ని ఉడికించడం కోసం...గుప్పిట మూసి ఉంచేవాళ్ళం ....
వాళ్ళు మమ్మల్ని బ్రతిమాలేవాళ్ళు ....

చూపించవా ...??!!
ఉహు ....చూపించను ....
డబ్బులా ....??!!
కాదు .....
చాకెలెట్టా.....??!!
కాదు ...
జీడీలా....??!!
కాదు ....
ఆ ....చేగోడీలా....??!!
లేదు ....
ఏదీ ఒకసారి చూడనీ ....
గుప్పిట ఇంకా గట్టిగా మూస్తాం ....
అయినా ..ఇంకా ఇంకా ..తెరవాలని ప్రయత్నిస్తారు ....
ఇంకా ఇంకా ..గుప్పిట గట్టిగా మూసి పెనుగులాడతాం...
ఎలా అయినా చూడాలనే పంతం పెరుగుతుంది .....
చివరకు ఎంత బల ప్రయోగం చేసినా లొంగక పోవడం వలన కితకితలు పెడతారు ......🤦‍♀️
అప్పుడు ....ఫక్కుమని నవ్వగానే ...గుప్పిట విడివడుతుంది ....🤣
చూస్తే గుప్పిట్లో ఏం ఉండదు ....ఊరికే ఉడికించాం అంతే ....💁‍♀️

---------------------
మేం ఇప్పుడు కూడా కొన్నిసార్లు అంతే ....
ఏదో అర్ధం కానట్టు ఉడికిస్తాం....ఎంతో కష్టపడి అర్ధం చేసుకోవాలి అని పంతం పడతారు పురుషులు .....😜
తీరా చూస్తే మేం వీజీగా అర్ధమై పోతాం ....అర్ధం చేసుకోరూ .....??!!😍😘
(గమనిక: అన్నిసార్లు అంత ఈజీ కాదు ....కొన్నిసార్లు మాత్రమే ...🙅‍♀️)