ఇవ్వాళ కాసేపు గార్డెన్ వర్క్ చేసుకున్నాను ....అంటే ...గడ్డి అంత క్లీన్ చేసి ... మొక్కల కోసం రెడీ చేయడం అన్నమాట ..
గార్డెన్ లో మొక్కలన్నీ చచ్చిపోయాయి ... మళ్ళీ అన్ని మొదలుపెట్టుకోవాలి ...
నేను ఇండియా వచ్చేటప్పుడు ...నీళ్లు లేక చచ్చిపోతాయేమో అని ....రోజూ నీళ్లు పోయండి అని ఇంట్లోవాళ్ళకి గుర్తు చేసేదాన్ని ...
నీళ్లు ఎక్కువైతే ఇంక ఎవరు మాత్రం చేసేదేం ఉంది ...
అయినా ...కాలిఫోర్నియా వచ్చాక ..ఇంత వర్షాలు నేనెప్పుడూ చూడలేదు ...
ఇంకో మూడు రోజులు వరసనే వర్షాలున్నాయి ...
ఆ తర్వాత కూడా ఇంకో వారం చలి ఉండొచ్చు ...
అప్పుడు మొక్కలు మొదలుపెడదాం అని ఎదురు చూస్తున్నా ...
అంతవరకూ ఖాళీ దొరికితే గడ్డి పీకడం తప్ప ...గార్డెన్ లో పనేం లేదు ...
నేను వర్షం ఇండియాలో పడితే ఎంజాయ్ చేస్తానా ...లేక అమెరికాలోనా అని ఆలోచిస్తూ ఉంటా ...
కానీ నాకు వర్షం మా ఊరులో పడితే ఇష్టంగా ఉంటుంది ...
అక్కడైతే మా అమ్మ పకోడీలు , గారెలు, అట్లు, పులిహోర ...ఇలాంటివి వండిపెడుతూ ఉండేది ...అప్పుడప్పుడు గొడుగేసుకుని పరిగెత్తుకుంటూ బయటకు వెళ్లి ...కావాల్సినవి తేవడం ...రేడియో వింటూ ...తింటూ కూర్చోవడం ...ఇదే పని ...
ఇక్కడేంటొ వర్షం పడితే కూడా రూల్స్ కి తగ్గట్టు సైలెంట్ గా పడి వెళ్ళిపోతుంది అనిపిస్తుంది ...
ఓ ఉరుము ఉండదు ...ఓ మెరుపు ఉండదు ...
అదే మా ఊరులో అయితే ....పెళ పెళ మని ఉరుములు ...మెరుపులు ..గాలి ...(అది మళ్ళీ పెద్దగా వస్తే భయం ) ఇవన్నీ వస్తే గానీ వాన రాదు ...
ముందుగా వచ్చే ఈ హంగామా తోనే మనసంతా హాయిగా ఉంటుంది ....
అందుకే మా ఊరులో వర్షం నాకిష్టం ...
విత్తనాలు తెచ్చావా వచ్చేటప్పుడు అని కొందరు ఫ్రెండ్స్ ఇక్కడ అడిగారు ...
అలాంటివి కొన్ని నేను చెప్పకూడదు ...వాళ్ళు అడగకూడదు ...అవి మొలిచినప్పుడు ...మొక్కలు వచ్చినప్పుడు అందరికీ తెలుస్తుంది ...
కాబట్టి ...ఈ వర్షాలు / చలి ...తొందరగా తగ్గాలని అందరూ కోరుకోండి ...!
No comments:
Post a Comment