ఈ జన్మకు నేనింతే ...!

నాకు ఎప్పుడూ చూడని ప్రదేశాలు చూడాలని ఉండదు ....ఇంతకుముందు చూసిన ప్రదేశాలనే మళ్ళీ మళ్ళీ చూడాలనిపిస్తుంది ....అక్కడ పదిలపరచుకున్న జ్ఞాపకాలను పదే పదే తడిమి చూడడం కోసం ....❤️

నాకు ఎప్పుడూ పరిచయం లేని వ్యక్తులతో పరిచయం చేసుకోవాలనిపించదు ...ఇప్పటికే పరిచయం ఉన్న వ్యక్తులనే మళ్ళీ మళ్ళీ కలుసుకోవాలనిపిస్తుంది....వాళ్ళ మనసు లో ఉన్న భావాలను పదే పదే పరిచయం చేసుకోవడం కోసం ....❤️

నాకు నా సొంతం కాని బంధాలు సొంతం చేసుకోవాలనిపించదు ....ఇప్పటికే సొంతమైన బంధాలను మరింత అంతం లేని బంధాలుగా మార్చుకోవాలనిపిస్తోంది ....అనంతమైన అనుబంధం ఆసాంతం ఆస్వాదించడం కోసం ....❤️

నాకు రోజుకో పుస్తకం చదవాలనిపించదు....చదివిన పుస్తకాన్నే మళ్ళీ మళ్ళీ చదవాలనిపిస్తుంది ...అందులోని ప్రతి వాక్యానికి రోజుకో అర్ధం కనుక్కోవచ్చని ...❤️

కానీ ఒక్క జీవితం మాత్రం.... ఎప్పుడూ జీవించనిది జీవించాలనిపిస్తుంది ....❤️ఎప్పుడూ పరిచయం లేనిది పరిచయం చేసుకోవాలనిపిస్తుంది ...❤️ జీవితంతో ఎన్నో బంధాలు సృష్టించుకోవాలనిపిస్తుంది ...❤️ మళ్ళీ మళ్ళీ ...సరికొత్తగా ...జీవించడం కోసం ....జీవితం లోతుల్ని ఆస్వాదించడం కోసం ...❤️

ఈ జన్మకు నేనింతే ...!