ఇతరుల భార్యల్లో ఉన్న సుగుణాలు అన్ని నాలో ఉండాలి ...
ఏ ఒక్కటి లేకపోయినా మా వారు చాలా నిరాశకు లోనవుతారు ...
ఆ సుగుణాలను నేను అలవరచుకునే వరకు ...పదే పదే ...వాటిని ...తారక మంత్రంలా జపిస్తూనే ఉంటారు ...
కానీ ...,
అదే సమయంలో నేను ఇతరుల భర్తల్లో ఉన్న సుగుణాలు... పొరపాటున ఒక్కటి ప్రస్తావించినా.... విపరీతమైన అసహనానికి లోనవుతారు ...
అవి వాళ్ళు చేయడం లేదు...ఆ సుగుణాలు వాళ్ళకి లేవు ....ఉన్నా అవి అసలు సుగుణాలు కానే కాదు అని ...నన్ను నమ్మించడానికి శతవిధాలా ప్రయత్నిస్తారు ....
ఒకవేళ చేసినా అదేమంత గొప్ప పని కాదంటారు ....
అవి వాళ్ళు అలవరచుకోవడానికి వాళ్లకు చిన్నప్పటి పరిస్థితులు ఎలా సహకరించాయి అని మూలాల్లోకి వెళ్తారు....
ఇంకాస్త ముందుకెళ్లి ...వాళ్ళ భార్యలు వాళ్ళకి ఎంతగానో సపోర్ట్ చేయడం వలన ...వాళ్ళకి అమితమైన ప్రేమని పంచడం వలన ...వాళ్ళు అవి చేయగలుగుతున్నారు అంటారు ....
నేను అది చేస్తున్నా ఇది చేస్తున్నా ...ఇంత బిజీగా ఉన్నా అంత బిజీగా ఉన్నా అది సాధించా ...ఇది సాధించా ...అంటారు ...
చివరకు, అవన్నీ చేయడానికి నాకు టైం లేదు అంటారు ...
ఇవన్నీ ఎందుకు స్వామీ ...
సింపుల్ గా ...ఒక్కటి చెప్పొచ్చుగా ...
స్త్రీలు ఉత్తమ ఇల్లాలు కావాలి ...
భర్తల గురించి ఏం మాట్లాడకూడదు ....అంతేగా...!?
No comments:
Post a Comment