Ayothi
-------
రిలీజ్ అయ్యి చాలా రోజులైంది కాబట్టి కొంచెం కథ చెప్పొచ్చు అనిపించింది ..
ఆ కుటుంబంలో భార్య భర్తతో పాటు ... కాలేజ్ చదివే వయసున్న ఒక కూతురు ...స్కూల్ లో చదివే వయసున్న ఒక కొడుకు ఉంటారు ...
ట్రైన్ దిగాక రామేశ్వరం వెళ్ళడానికి ఒక కార్ అద్దెకు తీసుకుంటారు.. కార్ లోకి ఎక్కేముందు ... వాళ్ళ డాటర్ "అమ్మా బాత్ రూమ్ కి వెళ్ళాలి.." అడుగుతుంది ...
సనాతన నియమాలు పాటించే భార్య ...సనాతన నియమాలు అమలుపరచే భర్త అనుమతి కోసం భర్తని అడుగుతుంది ... తన కూతురికి బాత్ రూమ్ కి వెళ్లాల్సిన అవసరం ఉందని పెర్మిషన్ ఇవ్వమని ...
భర్త అందుకు అంగీకరించడు.. అందువలన ఆ అమ్మాయి బాత్ రూమ్ కి వెళ్లకుండానే కార్ ఎక్కుతుంది ...
ఆ తర్వాత సినిమా లో ఆ అమ్మాయి అది మర్చిపోయి ...కార్ కిటికీ లో నుండి ప్రకృతి అందాలను తమ్ముడితో కలిసి చూడడంలో నిమగ్నం అవడంతో .. చూసే ప్రేక్షకులమైన మనం కూడా ఆ అమ్మాయి బాత్ రూమ్ కి వెళ్ళలేదు అనే విషయం మర్చిపోతాం ..
ఆ తర్వాత కొన్ని వరుస సంఘటనలతో ...అనుకోని మలుపులతో ...ఆ కారుకి యాక్సిడెంట్ కావడం ...ఆ మదర్ కి సీరియస్ అవ్వడం ... ఆమెని హాస్పిటల్ లో అడ్మిట్ చేయడం ... ఆ టాక్సీ డ్రైవర్ తాలూకా వాళ్ళు అనుకోకుండా వీళ్ళ దగ్గరకొచ్చి ఈ పిల్లలని చూసి జాలి పడడం... ఈ పిల్లలు కూడా సహాయం చేయమని అర్ధించడం.. ఆ హాస్పిటల్ నుండి మరో హాస్పిటల్ కి ట్రావెల్ చేయాల్సి రావడం ... అంబులెన్స్ లోనే ఆమెకు సీరియస్ కావడం ... ఆమె చనిపోవడం ...
ఇవన్నీ జరిగినంతసేపు ... క్షణ క్షణం ... అనే సమయానికి ప్రాణం విలువను ముడిపెట్టి మనం కూడా ఆ పిల్లల్తో అంబులెన్స్ లో ప్రయాణిస్తూనే ఉంటాం ...
ఇక సమయానికి మించి ప్రాణం ప్రయాణించింది తెలిసాక. అప్పటి దాకా ... అమ్మా అమ్మా అని ఆ ప్రాణానికే పేరు పెట్టి శబ్దం చేసిన ఆ పాప నిశ్శబ్దమై ... వచ్చి ... "భయ్యా ..నేను బాత్ రూమ్ కి వెళ్ళాలి ..." అని ఆ అపరిచిత వ్యక్తిని అడిగినప్పుడు ...
ఎవరిని నిందించాలి నిజంగా నాకు అర్ధం కాలేదు ...
అందుకే చెలియలి కట్టను తెంచుకుని విలయము విజృంభించినట్టు ... కళ్ళ పొరలను చీల్చుకుని కన్నీరు వరదలై ప్రవహించింది ...
ఎప్పుడూ అనుకునేదే అయినా మళ్ళీ అనుకుంటే తప్పేం లేదు ...
"ఈ తమిళ్ డైరెక్టర్స్ సినిమాని సినిమాలా తీయరు ఎందుకో ...ఒక జీవితంలా తీస్తారు ...అందుకే తీసేటప్పుడు వాళ్ళు జీవిస్తారు ...చూసేటప్పుడు మనం మరణిస్తాం ...మళ్ళీ జన్మించడం కోసం ..."!
PS: ఈ సినిమా చూడమని నా పిల్లలకు నేను సజెస్ట్ చేయలేను ... ఇంత దుఃఖాన్ని భరించలేరేమో అని నా భయం ...అంతే !
No comments:
Post a Comment