మొన్నామధ్య ఒకరు అడిగిన ఒక ప్రశ్నకు సమాధానంగా ....
నా జీవిత లక్ష్యాలు కొన్ని వారికి ఉదాహరించా ....
నా జీవిత లక్ష్యాలు కొన్ని వారికి ఉదాహరించా ....
అవి,
1. ఆలోచనల పారదర్శకత (Transparency of thoughts)
2. నిబంధనలు లేని ప్రేమ (unconditional love)
3. కారణం లేని సంతోషం (Happy for No Reason)
1. ఆలోచనల పారదర్శకత (Transparency of thoughts)
2. నిబంధనలు లేని ప్రేమ (unconditional love)
3. కారణం లేని సంతోషం (Happy for No Reason)
అయితే ఇవి సాధించడం అంత తేలిక కాదని అర్ధం అవుతుంది ....
అదేదో సినిమాలో ... ఒక్క నెలంతా ఒక్క అబద్ధం కూడా చెప్పకూడదు ...అప్పుడే ప్రేమిస్తాను ... అని ఒక నియమం ఉంటుంది ...ఆ హీరో అందులో ఎన్నో కష్టాలు పడతాడు ....లోపల మనసులో ఏం అనుకున్నాడో అన్ని చెప్పేయాల్సి వస్తుంది ....ఆ ఇక్కట్లు మనకు నవ్వు తెప్పించినా చెప్పే సమయంలో అతను ఎంత మానసిక సంఘర్షణను అనుభవిస్తాడో మన కళ్ళకు కట్టినట్టు చూపించే ప్రయత్నం చేస్తాడు ఆ దర్శకుడు .... ఓ రోజు ఆ హీరో ఆ నిబంధన నుండి విడుదలయ్యాడు కాబట్టి ఊపిరి పీల్చుకున్నాం అనుకోండి ...
నేను కూడా ఎప్పుడైనా మనసులో అనుకున్నది అనుకున్నట్టు చెప్పాల్సి వచ్చినప్పుడు ....ఆ సమస్య ఏమిటో అర్ధం అవుతుంది ....
ఇక నిబంధనలు లేని ప్రేమ అంటే ....??!!
అది కూడా తేలికేం కాదు ...అసలు నిబంధనలు ఉన్నా కూడా కొందరిని ప్రేమించడం కష్టమే అయినప్పుడు ఇక నిబంధనలు లేకుండా అనేది ఊహించుకోవడం ....ఎలాగో అర్ధం కాకుండా ఉంది ....
అయితే... ఎదుటివ్యక్తిలో ఉన్న బలహీనతల్ని క్షమించడం నేర్చుకుంటే రాను రాను కొంతవరకైనా సాధించగలనేమో అనిపిస్తుంది ....
మూడోది ఏ కారణం వెతుక్కోకుండా సంతోషంగా ఉండడం ....
ఇదేమైనా తక్కువ కష్టమా ....??!!
ప్రతి దానిలోనూ అనుకూలతల్ని చూడడం నేర్చుకోవాలి ...ప్రతికూలతల్ని విస్మరించాలి ....ఏదైనా నష్టం జరిగితే ఏడుస్తూ కూర్చోకూడదు ....ఏదైనా లాటరీ తగిల్తే పొంగిపోవడం ఆపాలి ...ఇలా ...చాలా చేయాలి .....
ఈ సంతోషం జీవితంలో భాగమైపోవాలి ...దాని కోసం ప్రత్యేకంగా లక్ష్యం పెట్టుకోవాల్సిన అవసరం లేనంతగా .....
---------------------
మొత్తానికి ఇవీ నా లక్ష్యాలు ....
ఇవి సాధించడానికి ఒక కాలపరిమితి లేదు ....ఎన్నాళ్ళు జీవిస్తే అన్నాళ్ళు ...
ఎంత శాతం సాధించాలి అనే కొలమానాలు లేవు ....నాకెంత సాధ్యమైతే అంత ...
సాధించగలనో లేదో తెలియదు ..జీవితం ఎంత అవకాశం కల్పిస్తే అంత ..!
No comments:
Post a Comment