ఉదయాన్నే నిద్ర లేవగానే మా ఆయన్ని నేను కాఫీ అడుగుతా ....ఇద్దరం కలిసి కాఫీ తాగొచ్చు అని ...
గొడవ పడ్డప్పుడు అడగను ....అయన కూడా అంతే ...ఎవరి కాఫీ వాళ్ళు పెట్టుకుని తాగుతాం ...
ఈ రోజు కూడా ఎప్పటిలాగే కాఫీ పెడుతూ "నాకో ప్రశ్న ఉంది అడగొచ్చా ...." అడిగారు ... నేనేదో ఆయనకు గైడ్ లాగా ....
పొద్దునే నిద్ర లేవడమే నాకు కష్టం ....బద్దకంగా అనిపిస్తుంది ...సూపర్ షార్ప్ గా ఆలోచించే తెలివి నా బుర్ర కలిగి ఉండదు ...
ఆయనేమో కోడి కంటే ముందే లేచి కూర్చుని ప్రపంచంలో ఉన్న సమస్యలన్నిటి గురించి విపరీతంగా ఆలోచిస్తూ ఉంటారు ...
రోజూ ఏదో ఒక ప్రశ్న అడుగుతూనే ఉంటారు అనుకోండి అది వేరే విషయం ..
అడగడం ఓకే కానీ ...వాటన్నిటికీ నా మట్టి బుర్ర దగ్గర సమాధానం వెతకడమే నాకు అర్ధం కాదు ...
సరే టాపిక్ లోకి వస్తే ....
"నాకు సడెన్ గా ఏదైనా అయితే ....నువ్వు బాధపడతావా ...ఏడుస్తావా ...." అడిగారు ....
నేను షాకవ్వలేదు ...ఆలోచించలేదు ...ఇలాంటి ప్రశ్నలు నాకు మాములే ....
"బాధపడను ....ఏడవను ...." చెప్పా ...కూల్ గా ...
"అస్సలు బాధపడవా ..." ఆశ్చర్యంగా అడిగారు ...
"ఏం బాధ లేదు ...ఎవరు పోవాల్సొస్తే వాళ్ళు పోవాలి ....ఎందుకు బాధపడాలి" అడిగా
"కనీసం నేను సంపాదించే డబ్బులు పోతాయని అయినా బాధపడాలి కదా" అడిగారు ....
"అవును ...కానీ, అవన్నీ తర్వాత గుర్తొచ్చి బాధపడతానేమో ...మీరు, వెంటనే ఏం చేస్తావ్ ...అని అడిగారు ...నేను దానికి మాత్రమే సమాధానం చెప్పా ...." చెప్పా ....
"మరి నీకేదైనా అయితే నేను బాధపడతానని అనుకుంటున్నావా ...." అడిగారు ....
"అస్సలు ఎక్స్పెక్ట్ చెయ్యట్లేదు ....ఆలోచించలేదు ...మీరెలా ఫీలయితే నాకెందుకు ...నేనేమన్నా చూస్తానా ...కావాలంటే హాయిగా పండగ చేసుకోండి ...ఐ డోంట్ కేర్ ..." చెప్పా ...
"పొద్దున్నే నువ్వు నన్ను హర్ట్ చేసావు ....నువ్వు చాలా బాధపడతావు అని అనుకుంటూ ఉన్నా ...కనీసం అబద్ధం అయినా చెప్పొచ్చుగా ...." చెప్పారు ...కాఫీ ఇస్తూ ....
"ఇలాంటి డ్రామా ఫీలింగ్స్ ...సినిమాలు చూసి డెవలప్ చేసుకోవడం వలెనే ....చాలామంది ....నేను పోయాక నా కోసం నా వాళ్లంతా ఎంతో ఏడుస్తారు ....ఎంతో బాధపడతారు ....వాళ్ళకి నేను ఉన్నప్పుడు నా విలువ తెలియదు ....అని ఊహించుకుని ఆత్మహత్యలు చేసుకుంటూ ఉంటారు ...
ఎందుకొచ్చిన డ్రామా ఫీలింగ్స్ ....పొద్దున్నే లేచి మీరు చేసే పని ఇదేనా ...హాయిగా కాఫీ తాగి పని చేసుకోక ..." కసిరేసి ....నా దారిన నేను పోయా ...!
Happy Weekend All!
No comments:
Post a Comment