వంట చేసుకోగలిగి ఉండి ....ఎవరిమీదా ఆధారపడకూడదు ...
ఇవ్వాళ నేను మాటల సందర్భంలో ఫ్రెండ్స్ కి ఒకటి రెండు సార్లు ..."చెట్లకి కాసిన్ని వంకాయలున్నాయి ....కోసి ...కూర వండాలి ...." అని చెప్పా ....
చెప్పడం వలనో ఏమో ...నా నాలుక వంకాయ కూర మీద నాకు తెలియకుండానే ఆశలు పెంచుకుంది ....
సరే ఇంటికొచ్చాక ...షరా మాములే ...
ఇంటి పనుల్లో బిజీ అయిపోయా ...
అయినా వంకాయలు కోసి కిచెన్ లో పెడదాం అని ...అవి కత్తిరించడానికి కత్తెర కోసం వెతికా ....
ఎప్పుడు ఏది అవసరమో అది కనపడదు అనేది యూనివర్సల్ రూల్ ....
మా ఆయన మధ్యాహ్న్నము బెండకాయలు కోసిన ఆనవాలు కనిపించింది ....
కత్తెర ఎక్కడ పెట్టారు అని ఎన్నిసార్లు అడిగినా చెప్పలేకపోయారు ....
తర్వాత క్లాస్ ఒకటి ఉంటే అటెండ్ అయ్యాక ....టైం చూస్తే చీకటి పడింది ....
వంకాయలు ఉన్న ప్లేస్ లో లైట్ లేదు ....ఒక లైట్ అక్కడ పెట్టండి అని ఎన్నోసార్లు మావారికి చెప్పా ...
అది జరగని పని అని నాకూ ...దేవుడికి తెలుసు ....
ఏం చేద్దామ్ ...వంకాయ లేదు టెంకాయ లేదులే పడుకుందాం అనుకున్నా ....
కానీ నా నాలుక ఊరుకోలేదు ...
సరే పిల్లల బొమ్మ కత్తెర ఒకటి చిన్నది దొరికితే అది తీసుకుని చీకట్లో గార్డెన్ లోకి వెళ్ళా ....
తడుముకుని ఒక వంకాయ పట్టుకుని ....ఆ చిన్న కత్తెర తో కట్ చేయగానే ఫట్ మని కత్తెర విరిగిపోయింది ....
ఇక కోపం వచ్చి ....వంకాయలు చేత్తోనే కొన్ని తెంపేసా ....
ఇంట్లోకొచ్చి ....కూర చేశా ..
మా ఆయన వాకింగ్ కి వెళ్లి వచ్చి ...."నేను బెండకాయ కూర చేద్దాం అనుకున్నా ....నువ్వు వంకాయ చేసేసావా" అన్నారు ....
"మీరు అనుకుంటారు ....కానీ చెయ్యరు ....అవి అప్పటికల్లా ముదిరిపోతాయి ....ముదిరిన కాయలు చేస్తారు .....అవి నేనెటూ తినలేను ...."చెప్పా ....
"నాకు అన్నం వద్దు ....నీకు పెట్టమంటావా" అడిగారు ....
ఎదుటి మనిషిని అడిగేటప్పుడు ....కనీసం ...."మనం అన్నం వండుకుందామా" అని అడిగితే...ఇద్దరం కలిసి ఒక ముద్ద వండుకు తిందాంలే అనిపిస్తుంది ....
ముందుగానే ....నాకొద్దు అనే మాట యాడ్ చేస్తే ....నాకు ఒక ముద్ద తిందామనే ఇంటరెస్ట్ పూర్తిగా పోతుంది ....
బయటకెళ్ళి ఏమన్నా తిందాం అంటే కూడా అంతే ....
నాకొద్దు ....నీకు తెమ్మంటే తెస్తా అంటారు ....
నీకు వద్దా లేదా అని నేనడిగానా అని నాకు మండుతుంది ....
ఎదుటివాళ్ళకు ఫుడ్ తిననివ్వకుండా ....ఉన్న ఇంటరెస్ట్ పోయేలా ...అలా మాట్లాడొద్దు అని ఎన్నిసార్లో చెప్పి ఉంటా ....
సరే ఆయనతో నాకెందుకులే అని ....
ఉడకబెట్టిన గోంగూర ఉంటే ....గోంగూర పచ్చడి చేద్దాం అని ...అది కూడా చేసేసా ....
రెండూ విపరీతమైన రుచిగా ఉన్నాయేమో ....నాకు వేడి వేడి అన్నం కావాలనిపించింది ....
ముందు ప్లాన్ ...ఉత్త కూర తినేసి ...పడుకుందాం అని ....
ఒక కప్పు బియ్యం పొయ్యి మీద వేసి ....స్నానం చేసి ....
అన్నం తినే టైం కి ....ఆర్చుకుని తీర్చుకుని వచ్చి .....,
శుభ్రంగా అన్నం పెట్టుకుని ....గోంగూర , వంకాయ వేసుకుని తినేశారు ....
ఆఫ్కోర్స్ నేను కూడా తిన్నా అనుకోండి ....
"నీకు ఇంకాస్త అన్నం పెట్టనా " అడిగారు ...నా ప్లేట్ లో అన్నం అయిపోవడం చూసి ....
"ఇప్పుడు బాగానే అడుగుతారు .....చేసేటప్పుడు ....నాకొద్దు నాకొద్దు అని పాట పాడతారు .....నేను కూరలు చేసేటప్పుడు ....కనీసం ....అన్నం పొయ్యి మీద పెట్టాలని తెలీదూ ...." కడిగేశా .....తనని కాదు ....తిన్న కంచం బాబూ ....
అదన్నమాట కథ ....
వీళ్ళ మీద ఆధారపడితే బొచ్చలో బొమ్మరాయే .....
ఓపికున్నప్పుడు ఒక ముద్ద వండుకున్నామా ....హాయిగా వేళకింత తిన్నామా ....అంతే ...!
No comments:
Post a Comment