ఒకసారి ఒక అమెరికా పిల్ల మా ఇంట్లో కొన్నాళ్ళు పెరిగింది ....అది నా చిన్న కూతురికి స్నేహితురాలు ...
సరే ఇద్దరూ నా బిడ్డల లెక్కనేలే అనుకుని ...దాన్ని కూడా నా కూతురితో సమానంగా చూసుకునేదాన్ని ....
దాని ఇష్టాఇష్టాలేంటో నా కూతుర్ని అడిగి తెలుసుకుని మరీ ...వండి పెట్టేదాన్ని ....ముఖ్యంగా కారం తగ్గించి వంటలు చేసి ....
ఇద్దరూ కలిసి స్కూల్ కి వెళ్ళేవాళ్ళు ...ఇద్దరూ ఒకే రూమ్ షేర్ చేసుకునేవాళ్ళు ....ఇలా ...
అసలు కథ ఏంటంటే ...వాళ్ళమ్మ రెండో పెళ్లి చేసుకుంది ....అది ఈ పిల్లకు నచ్చదు ...ఆ మారు తండ్రి కి ఈ పిల్లకు , వాళ్ళమ్మకు పచ్చగడ్డి వేస్తే భగ్గుమనేది ....
వాళ్ళ అసలు నాన్న లండన్లో డాక్టరు ....
వాళ్ళ తాతగారు ...ఇందిరాగాంధీ వాళ్ళ చుట్టాలట...
వాళ్ళ తాతగారి ఇంటికి చిన్నప్పుడు వెళ్ళేదట ...ఇండియా అంటే చాలా ఇష్టం అని చెప్పేది ...
సరే ఇప్పటి ఏవో సమస్యల వలన ...ఈ పిల్ల కొన్నాళ్ళు మా ఇంట్లో ఉంటానని ....వచ్చేసింది ...
ఏదో అలిగి వచ్చేసింది సరే ....కొన్నాళ్ళు ఉన్నాక నచ్చచెప్పి పంపిద్దాములే అనుకున్నా ...
దాని స్కూల్ ఒక ఆరు నెలల్లో అయిపోతుంది ....అది తరువాత ఏదో ఒక కాలేజ్ లో జాయిన్ అవుతాను అంది ....
కాలేజ్ కి వాళ్ళకి లోన్స్ వస్తాయి ....జాబ్ కూడా చేసుకోవచ్చు ....
సరే ఒక ఆరు నెలలే కదా అనుకుని ....ఊరుకున్నా ....
వాళ్ళ నాన్న మధ్యలో కాల్ చేసి ....మీరు నైస్ గా ఉండొద్దు ....వెళ్లిపొమ్మని చెప్పండి ...అప్పుడు తను ఇంటికొస్తుంది అని అడిగేవాడు ....
వాళ్ళమ్మ కూడా వెళ్లిపొమ్మని చెప్పండి అనేది ...
నేను వెళ్లిపొమ్మని చెప్పడం సరే ...అది ఇంటికి వెళ్లకుండా ఏమైనా అఘాయిత్యం చేసుకుంటే అని ....పైగా దాన్ని వెళ్లిపొమ్మంటే ....నా ఫ్రెండ్ ని వెళ్లిపొమ్మంటావా అని నా కూతురికి కోపం వస్తే ....
దేవుడా ....కరవమంటే కప్పకు కోపం ....వదలమంటే పాముకు కోపం ...అయిపొయింది నా పరిస్థితి ....
నేనూ అదే చెప్పా వాళ్లకు ....నా డాటర్ రిక్వెస్ట్ చేసిందని నేను ఒప్పుకున్నాను ...తనకు బాధ కలిగించే పని చేయలేను కదా అని ....
సరే వాళ్ళు నెలకో 500 డాలర్లు ఖర్చులకు ఇస్తాం అన్నారు ...ఊరికే ఉంచడం మాకు కష్టంగా ఉంది ...
ఈ పిల్లలు అవి తీసుకోమన్నారు ...
నేనేం చేసానంటే ...అవి తీసుకుని ఆ పిల్లకే ఇచ్చేసా ...పోనీలే ఏవో ఖర్చులు ఉంటాయి కదా దానికి కూడా అని ....అప్పుడు అది ఖర్చుల కోసం జాబ్ చేయకుండా చదువుకోవడం వరకే చేసింది ....
సరే అదంతా పక్కనపెడితే ...నా కూతురు ఏదో పనిమీద వేరే ప్లేస్ కి ఓ రెండు రోజులు ట్రిప్ వెళ్ళింది ....అప్పుడు ఈ పిల్ల నా దగ్గరే ఉండేది ...
పాపం దానికి ఏం టైం పాస్ అయ్యేది కాదు ....
అప్పట్లో రంగస్థలం మూవీ రిలీజ్ అయింది ..
నవ్య వచ్చాక ఆ సినిమాకు వెళదాం ....బాగుందంట ....సబ్ టైటిల్స్ కూడా ఉంటాయి ...అని చెప్పా దానికి ...
అది ఏమంది అంటే ...మనిద్దరం వెళదాం ఈ వీకెండ్ ...పర్లేదు ...అని అడిగింది ....
సరే అని ఇద్దరం వెళ్ళాం ...
కాసేపు సినిమా బాగానే చూసింది ...స్టోరీ కూడా చెప్పా అక్కడక్కడా ...
కానీ చిట్టిబాబుని పోలీసులు అరెస్ట్ చేసి తీసుకుని వెళ్ళేటప్పుడు ....సమంతాని చిట్టిబాబు తిట్టి , ఒక చెంపదెబ్బ కొడతాడు ... తరువాత పోలీసులు పట్టుకుపోతున్నప్పుడు ..పరిగెత్తుకుని పోయి ఒక ముద్దిస్తుంది ..అప్పుడు అదే ప్రేమంటే ఒక నిర్వచనం చెప్తారు ...
అప్పుడు దానికి కాన్సెప్ట్ అర్ధం కాలేదు ....
"తనను కొట్టినా కూడా వెళ్లి కిస్ చేసింది ....ఎందుకు చేసింది" అని అడిగింది ...
నాకు ఏం చెప్పాలో అర్ధం కాలేదు ...
కాసేపాగాక నా కష్టం అర్ధం చేసుకుని అది నిద్రపోయింది ....
దేవుడా ఈ పిల్లను మళ్ళీ తెలుగు సినిమాకు తీసుకు రాకూడదు ...అనుకున్నా ...
ఆ తర్వాత నా కూతురికి చెప్పా నా కష్టం ....
అది నవ్వి దానికేదో సర్ది చెప్పుకుంది ....
=============================
ఆ తర్వాత ...ఈ మధ్య ...నా డాటర్ కాలేజ్ నుండి ఇంటికి వచ్చినప్పుడు ....
"మనిద్దరం కలిసి ఏదైనా తెలుగు మూవీ చూద్దామా ....మమ్మి / బేబీ టైం ...." అడిగింది ...
ఈ మధ్య కొత్తగా వచ్చింది భీష్మ సినిమా చూద్దామా ..అడిగా ...
"బాగుంటుందా ...." అడిగింది ...
"యావరేజ్ ఉంటుంది ....కానీ పర్లేదు కాసేపు చూడొచ్చు ..." చెప్పా ...
సరే సినిమా పెట్టుకుని చూస్తూ ఉన్నాం ....
కంపెనీ ...ఎవరికిస్తాడు ఎవరికిస్తాడు అని అందరూ మాట్లాడుకుంటూ ఉంటారు ....
"వెయిట్ ....కంపెనీ హీరోకిస్తాడా ...." అడిగింది నన్ను సందేహంగా సినిమా పాజ్ పెట్టి
"చూడు నీకే తెలుస్తుంది ...." చెప్పా ...
"కంపెనీ హీరోకి ఇస్తే ...ప్లీజ్ మమ్మి సినిమా ఆపెయ్యి ....నేను చూడను ..." చెప్పింది ...
"అవును హీరోకే ఇస్తాడు ...." చెప్పా ...
"ఆ హీరోయిన్ అంత టాలెంటెడ్ , హార్డ్ వర్కింగ్ ...ఆ అమ్మాయికి ఇవ్వకుండా హీరో కి ఎలా ఇస్తాడు కంపెనీ ...Foolish గా ఉంది ..." అని ....సినిమా చూడడం ఆపేసింది ...
ఈ ఐడియా అసలు నాకే రాలేదు ...నా మెదడు ఎంత అంతరించిపోయింది ...ఔరా ....అనుకున్నా ...
====================
కాబట్టి ....నేను రిక్వెస్ట్ చేసేది ఏంటంటే ..స్త్రీ కి తగిన గౌరవం ....మన తెలుగు సినిమా కలిగించాలి ....అంటే మన తెలుగు సమాజం ఆమోదించాలి ..
డైరక్టర్లు బావిలో కప్ప ఆలోచనలు మానెయ్యాలి ....
లేకపోతే ...తెలుగు సినిమా ఎంత డబ్బులు సంపాదించినా ....గౌరవం సంపాదించుకోవడం కష్టం ....
మన తెలుగు సినిమాలు అమెరికాలో పెరిగిన పిల్లలకు నచ్చవు ...
వాళ్లకు నచ్చాలంటే ....మన తెలుగు సినిమాల్లో స్త్రీని గౌరవించే పాత్రలు సృష్టించడం తెలుగు సినిమా డైరెక్టర్స్ చేయాలి ....తెలుగు సినిమా హీరోయిన్స్ ...మమ్మల్ని గౌరవించే పాత్రలిస్తేనే సినిమా చేస్తాం అని డిమాండ్ చేయాలి ...
హీరోయిన్ కి తగిన గౌరవం ఇవ్వకపోతే మేం సినిమాలు చేయం అని సినిమాలో నటించే ప్రతి ఒక్కరూ చెప్పాలి ..
బాడీ షేమింగ్ చేయడం ఆపాలి ...
ప్రతి ఒక్కరికీ తగిన ప్రాముఖ్యత కలిగి ఉండే పాత్రలు సృష్టించాలి ....
అప్పుడే తెలుగు సినిమా తరవాతి తరానికి నచ్చుతుంది .....గౌరవిస్తారు ...!
