నిన్న సాయంత్రం ...మా ఆయన హఠాత్తుగా చేయాల్సిన పనులన్నీ క్యాన్సిల్ చేసి ...నీరసంగా సోఫాలో కూర్చున్నారు ...
నేను గిన్నెలు కడుక్కుంటూ ...కిచెన్ శుభ్రం చేసుకుంటున్నా ....
"ఏం ఎందుకు ....పనులన్నీ క్యాన్సిల్ చేసారు ...." అడిగా ...
అది లేదు ఇది లేదు అని ఏదో చెప్పారు ....
"అది వంకలు సృష్టించుకోవడం అంటారు ....నిజంగా చేయాలని ఉంటే ఇన్ని వంకలు చెప్పరు ఎవరూ" చెప్పా ...
"నీకేం నువ్వు అలాగే చెప్తావు" సీరియస్ మొహం వేసుకుని చెప్పారు ....
"అక్కడికి పనులన్నీ మీరొక్కరే మీదేసుకుని చేస్తున్నట్టు ....మేమందరం ....పొద్దుటినుండి క్లబ్బులకి పబ్బులకి బలాదూర్ తిరిగొచ్చినట్టు ....ఈ డ్రామా డైలాగులే తగ్గించుకుంటే మంచిది ..." చెప్పా ...నా పని నేను చేసుకుంటూ ...
సరే నేను నా పనంతా చేసుకుని ....కిచెన్ అద్దంలా చేసుకుని .వంట చేయడం మొదలు పెట్టా ....
ఏంటో కిచెన్ శుభ్రంగా ఉంటే గానీ నాకు వంట మొదలుపెట్టాలి అనిపించదు ....అది నా బలహీనత ...
చికెన్ బిర్యానీ ఓవెన్ లో పెట్టి ...కాసేపు వర్క్ చేసుకుని ...బిర్యానీ రెడీ అయ్యాక ....పిల్లలని పిలిచా ...డిన్నర్ చేయడానికని ...
అంతలో ...అప్పటిదాకా అంత ఆపసోపాలు పడుతూ కూర్చున్న మనిషి ....హడావిడిగా ....ఎవరో ఐసియు లో ఉన్నట్టు ...ఫోన్ మాట్లాడుతూ బయటకి పోయారు ...
మేం ప్లేట్ లో బిర్యానీ పెట్టుకుని ....వేడి వేడిగా తింటారు కదా అని ..."డాడీ బయటికెళ్లారనుకుంటా ...పిలవండిరా" అని పిల్లల్ని అడిగా ...
"డాడీ సినిమాకి వెళ్లారు ..." చెప్పారు పిల్లలు ...
"ఏం సినిమా .." అడిగా ...ఆశ్చర్యంగా ...
"అదే పుష్ప ....ఇవ్వాళ ప్రీమియర్ షో ఉంది వెళ్తున్నా అని చెప్పారు కదా ..." పిల్లలు ...
అప్పుడెప్పుడో అన్నది గుర్తొచ్చింది ....
ఓహో అందుకా పనులన్నీ ఎగ్గొట్టి ....కుంటి సాకులు చెప్పింది ...అనుకుని ....నేను ... పిల్లలతో కలిసి ..శుభ్రంగా బిర్యానీ తిని ....నిద్రపోయా ...
పొద్దున్నే సినిమా గురించే నోరెత్తలేదు ...నేనూ అడగలేదు అనుకోండి ...
ఇందాకెప్పుడో సినిమా గురించి పిల్లలతో చెప్తుంటే విన్నా ...బాగాలేదని ...
అంత నాటకాలేసి ..పనులన్నీ ఎగ్గొట్టి ....ఫ్యామిలీని కూడా తీసుకెళ్లకుండా ....సినిమాకి పొతే ఎందుకు బాగుంటది ....చెప్పా ...
(నా డైలాగ్ కి సినిమా ఫ్లాప్ కి ఏం సంబంధం లేదని సినిమా ప్రియులకు హెచ్చరిక ....)
మా ఆయన బుద్ధి..!
No comments:
Post a Comment