వాళ్ళు మాత్రమే నవ్వడం నేర్చి ....పక్కవాళ్ళ కన్నీళ్ళలో జలకాలాడేవాళ్ళను ...
వాళ్ళు మాత్రమే నడవడం నేర్చి ...పక్కవాళ్ళ కాళ్ళు విరగ్గొట్టేవాళ్లను ...
వాళ్ళు మాత్రమే మాట్లాడడం నేర్చి ...పక్కవాళ్ళ నోరు మూసేవాళ్లను ....
వాళ్ళు మాత్రమే తినడం నేర్చి ....పక్కవాళ్ళ పళ్లెం లాక్కునేవాళ్లను ....
వాళ్ళు మాత్రమే బ్రతకడం నేర్చి ....పక్కవాళ్ళ పాడె కట్టే వాళ్ళను ...
అసలు మనిషనే వాడినే భరించలేని కొంతమంది మహానుభావుల్ని ....ఈ సమాజం కలిగి ఉండకపోతే మనుషులేమైపోతారా అని నాకు చాలా చింత కలుగుతూ ఉంటుంది ....
వాళ్ళు ఉండడం వలెనే కదా ....అలాంటి వాళ్ళను భరించడం వలనే కదా ....మన మానవత్వం ఏ మోతాదులో ఉందో ....ఎంత పెంపొందించుకోవాలో మనకు అనుక్షణం తెలుస్తుంది....అని అనిపిస్తూ ఉంటుంది ....
ఎంత దుర్మార్గుల్ని మనం భరిస్తే ....మనలోని మనిషనే వాడు అంత ఎదుగుతాడు అన్నట్టు ....
ఎంత రాక్షసత్వం మనం భరిస్తే అంత దైవత్వం మనకు అలవడుతుంది అన్నట్టు ....
వాళ్ళ బ్రతుకుని ఎంత సహిస్తే ....మన జీవితం అంత ఎదుగుతుంది అన్నట్టు ....
సర్వే జనాః సుఖినోభవంతు ..!
Note: ఈ పోస్ట్ ఇప్పుడు వ్రాసింది కాదు ...లాస్ట్ ఇయర్ వ్రాసాను ఇదే రోజున ...అప్పుడు పోస్ట్ చేయలేదు ...
ఆ రోజున ఎందుకలా అనిపించిందో తెలియదు ...!
No comments:
Post a Comment