అది నాకు ఖచ్చితంగా తెలుసు .....

నేను గెలిచినప్పుడు నాతో ఎంతమంది ఉంటారో నాకు తెలియదు ...

కానీ నేను ఓడిపోతే మాత్రం నాతో ఒకరుంటారు .... :)

అది నాకు ఖచ్చితంగా తెలుసు .....

అది "నేనే" ... !! :) :) <3

నీ మంచి కోసమే చెబుతున్నా ....నా మాట వినరా బుజ్జీ ……

నీ ముందు కొన్ని ఇటుకలు ఉన్నాయి, సిమెంట్ ఉంది, ఇసుక ఉంది, నీళ్లు ఉన్నాయి, అందమైన ఇల్లు కట్టుకోవడానికి కావలసినంత విశాలమైన స్థలం ఉంది ....వ్వాట్ నాట్.....ఓ ఇల్లు కట్టుకోవడానికి కావలసినవి అన్నీ నీ ఎదురుగా ఉన్నా కూడా ...నీ జీవిత కాలంలో నువ్వు రెండు ఇటుకలని కూడా ఒక చోట చేర్చలేక పోయావు ..... :(

అలాంటి నువ్వు .....ఎక్కడో, ఎప్పుడో, ఓ అందమైన సువిశాల భవంతి నిర్మిస్తానని కలలు కంటున్నావు ..... :P
"ఇదిగో నా అరచేతిలో ఉన్నదే స్వర్గం అని.... " అందరినీ నమ్మించాలని నీ ప్రయత్నం .... :P
పోనీ... నీ కలలు.... నీ నమ్మకాలు ...నీ ఇష్టం ....ఎలాగైనా బ్రతుకు ...

కానీ........., ఇక్కడ ...ఇప్పుడు ...ఎంతో శ్రమించి ...
ఆ పుల్లా ఈ పుల్లా పోగేసుకుని,
ఆ మట్టీ ఈ నేలా కలిపేసుకుని,
ఆ శ్వాసా ఈ ఆశా కలబోసుకుని,
 తన ముందు ఉన్నవాటితో ....ఒక చిన్న నివాస యోగ్యమైన గుడిసె కట్టుకుని... విజయవంతంగా నివసిస్తున్నాడే....ఓ మనిషి ....అతని ముందు మాత్రం ఇవన్నీ చెప్పకు ....!

——————————
నీ మంచి కోసమే చెబుతున్నా ....నా మాట వినరా బుజ్జీ …… :) :) :P :P

చుట్టూ చిమ్మ చీకటి..పక్కనే దూరంగా చెట్ల మధ్యన ఒకే ఒక్క బిల్డింగ్ కనిపిస్తే......

కార్లో ప్రయాణిస్తూ ఉంటాం .....ఉన్నట్టుండి పెట్రోల్ low level అని హెచ్చరిక సమాచారం చూపిస్తుంది .....

పెట్రోల్ low level కి రాగానే ....వెంటనే "ఇప్పుడేగా వార్నింగ్ వచ్చింది ,ఇంకా 40 మైల్స్ నడపొచ్చు ...." అనుకుని సాగిపొతూ ఉంటాం ......అప్పుడు ఎన్ని మైల్స్ లో low level లోకి వచ్చిందో నెంబర్ గుర్తు పెట్టుకుని .....తర్వాత ఎన్ని మైల్స్ నడుపుతున్నామో కలుపుకుంటూ ..."వార్నింగ్ ఇస్తే ....మేం వింటామా అన్నట్లు "....cool అనుకుంటూ వెళ్తూ ఉంటాం ...... 

20 మైల్స్ వెళ్ళిన తర్వాత ...."ఇంకా 10 మైల్స్ తర్వాత చూద్దాం ....కంగారేం లేదు అనే ఆలోచన ...." 

అలా మరో 10 మైల్స్ .....అప్పుడు పెట్రోల్ కోసం వెతకడం మొదలు పెడతాం ...నిమిషానికో సారి టెన్షన్ తో చూసుకోవడం అపుడే మొదలవుతుంది ....

మరో 5 మైల్స్ లో పెట్రోల్ దొరుకుతుంది అనే సమాచారం చూసుకుని ..."హమ్మయ్య" అనుకుంటాం .....

2 లేక 3 మైల్స్ వెళ్ళాక, కొన్నిసార్లు వాతావరణం సహకరించకపోతే ......ట్యాంక్ లో పెట్రోల్ మరీ అడుగుకి వెళ్ళిపోతే ...మన దురదృష్టం బాగుంటే ....ఇంజన్ కి పెట్రోల్ అందడం కష్టం అయితే .... కార్ ఆగిపోతుంది ...... :( 

సిటీ లో ఆగిపోతే దురదృష్టం కాస్త తక్కువున్నట్టు ... :P 

ఎక్కడో ఊరి బయట ఎవరూ లేని చోట ఆగిపోతే, (అదృష్టం కాస్త తక్కువున్నట్టు )... :( 

అక్కడ ఎవరూ లేకపోతే ...వెనక,ముందూ ఏ కారో వస్తున్న జాడే లేకపోతే ...చుట్టూ చిమ్మ చీకటి..పక్కనే దూరంగా చెట్ల మధ్యన ఒకే ఒక్క బిల్డింగ్ కనిపిస్తే ....,,,,వెంటనే పెట్రోల్ ఎలా తెచ్చుకోవాలా అనే ఆలోచన కంటే ముందు ...కృష్ణ కాటేజ్ సినిమా గుర్తొస్తే .....(ఎప్పుడూ ఏ ఆలోచనలు రాకూడదో అవే రావడం సహజం కాబట్టి) ....ఆ క్షణంలో ....ఇంకేముంది ...పై ప్రాణాలు పైనే పోతాయి ......

అలా కాకుండా .........................................

పెట్రోల్ low level కి రాగానే ......వెంటనే దగ్గరలో పెట్రోల్ ఎక్కడ దొరుకుతుంది అని నావిగేషన్ సిస్టం లో సెర్చ్ చేసి ..... అక్కడకు వెళ్లి ట్యాంక్ Full చేసుకుని మళ్లీ ప్రయాణం మొదలు పెడితే .....అనుకున్నట్లు గానే ప్రయాణం హాయిగా ......అలా అలా ......ఆ క్షణంలో... 

"అయినా మనిషి మారలేదు ...ఆతని మమత తీరలేదు .... "పాట మాత్రం వినసొంపుగా వినిపిస్తూ ఉంటుంది .....

మన చేతుల్లోనే ఉన్న ఒక చిన్న నిర్ణయం జీవితాన్ని అందమైన పాటలా మారుస్తుంటే ...,,,,,??!!

......నాకైతే పాట వినడం ఎంతో హాయిగా ఉంటుంది ......

(అన్నట్లు కృష్ణ కాటేజ్ సినిమా మాత్రం ఒకసారి చూసాను సుమా ....!!... :) )

-----------------       -------------------     ---------------------

(గమనిక : ఈ ఆర్టికల్ February 10, 2014 తేదీన వ్రాశాను ...)

నా భావాల మీద ప్రేమతో ....!!

"నువ్వు కోపంలో చాలా అందంగా ఉంటావు/నీకు కోపం సెట్ కాదు" ఒకరు .....

"నువ్వు ఎప్పుడూ నవ్వుతూ ఉండాలి/ నువ్వు ఏడిస్తే నాకు హాయిగా ఉంటుంది..." మరొకరు ....

"నువ్వు బాధ పడితే నేను చూడలేను/నీ సంతోషం కోసం ఏమైనా చేస్తా ..."ఇంకొకరు ....

------------------------------------------------------------

ఇవన్నీ మన చుట్టూ ఉన్నవాళ్ళు మన ప్రయోజనం గురించి ఆలోచించి కోరుకునే భావాలు మాత్రమే కాదు .....మనం ఎలా ఉంటే వాళ్ళు ఆహ్లాదంగా ,ఆనందంగా ఉంటారో ఆలోచించుకుని వాళ్ళ కోసం ....వాళ్ళు కావాలని కోరుకునే భావాలు కూడా కావచ్చు కొన్నిసార్లు .........

అప్పుడెప్పుడో....బావ కళ్ళల్లో ఆనందం చూడటం కోసం ఒకరు ఏకంగా హత్యలే చేసినట్లుగా ....(రామ్ గోపాల్ వర్మ సినిమా కూడా తీసారనుకోండి ....) మనం కూడా మన చుట్టూ ఉన్న వాళ్ళ కళ్ళల్లో ఆనందం చూడటం కోసం వాళ్ళు మనకు ఎదురైన ప్రతిసారీ ...వాళ్ళు కోరుకున్న భావాలనే ....వాళ్లకు ప్రదర్శించి ....కాదు కాదు .....మనకు తెలియకుండానే అలా ప్రదర్శించడానికి అలవాటు పడి.....జీవన కాల గమనంలో మనల్ని మనం మర్చిపోతూ ఉంటాం కొన్నిసార్లు .......

నేను కూడా కొన్నిసార్లు, నాకు తెలిసినా....తెలిసీ.... అలా కొన్ని భావాలను ప్రదర్శిస్తూ ఉంటా ...... అయితే నా ఇష్ట/కష్టాలతో సంబంధం లేకుండా అలా ప్రదర్శించడం అన్ని సమయాల్లో సాధ్య పడకపోతే ఏం చేయాలి ....అని ఈ మధ్య దీర్ఘంగా ఆలోచిస్తే .........

---------------------------------------------------------------------------

ఒక ఐడియా వచ్చింది ...... నాకు సాధ్యం కాని ,వాళ్లకు కావాల్సిన భావాలను ప్రదర్శించాల్సి వచ్చిన వ్యక్తులకు తారసపడకుండా ఉంటే సమస్యే ఉండదని .....,

ఇదంతా ఆ వ్యక్తుల మీద ద్వేషంతో కాదు సుమా .....నా భావాల మీద ప్రేమతో ....!! :) :) :)

రెండూ నా స్వీయానుభావాలే .....!!!

ఎవరిమీదైనా మనకు విపరీతమైన కోపం వస్తే ....,

1.ఆ కోపం వెంటనే ప్రదర్శించడం ఒక పద్ధతి ....

2.కాస్త ఆగి ఆలోచించి ..లేదా క్షమించి ,ఆ కోపం ప్రదర్శించకుండా ఉండటం ఒక పద్ధతి ...

వెంటనే కోపం ప్రదర్శించడం వలన, మనకు చాలా ఉపశమనం కలగటమే కాకుండా ..... విపరీతమైన సంతోషం కలిగినట్లు అనిపిస్తుంది ....కానీ అది తాత్కాలికం ....తర్వాత కొంతసేపటికి చాలా బాధ మొదలవుతుంది .....( ఆత్మ క్షోభ)

క్షమించి ఆ కోపం ప్రదర్శించకుండా ఉండటం వలన ,మనకు చాలా అసహనం......విపరీతమైన బాధ కలిగినట్లు అనిపిస్తాయి ......ఇది కూడా తాత్కాలికమే ....తర్వాత కొంతసేపటికి విపరీతమైన సంతోషం మొదలవుతుంది .....( ఆత్మ సంతృప్తి)!!!

రెండూ నా స్వీయానుభావాలే .....!!!

అంతవరకు ఇక నాకు శత్రువులు లేనట్టే ..

ఇన్నాళ్లు " నీ మిత్రుడు ఎవరో చెప్పు నువ్వెవరో చెబుతాను " అనే కాన్సెప్ట్ ని ఫాలో అయిపోయి ....నేను మంచి మిత్రుల్ని ఏర్పరచుకుందాం అని డిసైడ్ అయ్యి .....అలా మిత్రులను వెదుక్కునే పనిలో ఉన్నా .....వాళ్ళ వలన అయినా నాకు మంచి పేరొస్తుంది అని ....

అయితే ఇవ్వాళ చూసిన ఒక సినిమాలో ....." నీ శత్రువు ఎవరో చెప్పు నువ్వెవరో చెబుతాను " అని మార్చి చెప్పారు ....
ఎందుకలా అంటే ....శత్రువుని బట్టి నీ శక్తి ఏమిటో నిర్ణయిస్తాను అని అర్ధం ట ట ..... :P :P

అయితే .....ముందుగా నేను నాకున్న శత్రువులు ఎవరా అని ఆలోచిస్తే ....(ఈ మధ్య శత్రువుల జాతి అంతరించింది అనుకోండి ) నాకు గుర్తొచ్చిన వాళ్ళల్లో ...ఒక్కరు కూడా నా శక్తిని చాటి చెప్పేవాళ్ళు కనపడలేదు .... :( :(

ఛీ ...ఇన్నాళ్లు వీళ్లనా నేను నా శత్రువులు అనుకున్నాను ....అని నామీద నాకే ఒకింత చిరాకు కలిగింది .... :(

అందుకే ....ఇంత చిన్న విషయంలో కూడా ఉపయోగపడని శత్రువులు నాకు అక్కర్లేదు అని వాళ్లందరినీ ఇక వదిలేయాలని నిర్ణయించుకున్నా ..... :) :P

నా శక్తికి చాటి చెప్పే శత్రువులు దొరికినప్పుడు .....అప్పుడు వాళ్ళను శత్రువులుగా పరిగణిస్తా ....

అంతవరకు ఇక నాకు శత్రువులు లేనట్టే .....! :( :( :P :P

నాలా నువ్వుండలేవు ....నీలా నేనుండలేను ...

నువ్వు నన్ను అన్నిట్లో అనుకరించగలవు ....

నాలా నవ్వగలవు , ఏడవగలవు , మాట్లాడగలవు....ఒకటేమిటి .....నేను చేసే పనులన్నీ చేయగలవు .....

కానీ నా లక్షణాలను మాత్రం అనుసరించలేవు .... :(

అవి ఎవరినో అనుసరిస్తే వచ్చేవి కాదు ....

మట్టి పిసికి , ఇటుకలుగా చేసి , మంటల్లో వేసి ఎర్రగా కాల్చి , గోడ నిర్మించినట్టు .....

చిన్నతనం నుండి ఒక్కో జీవిత సంఘటనలో నుండి నేర్చుకున్న జీవితపాఠాలను ..ఒక్కొక్కటిగా... పేర్చుకుంటూ వచ్చినవి ....

నా లక్షణాలు నువ్వు అనుసరించాలి అనుకుంటే .... నా జీవితపాఠాలు కూడా నువ్వు నేర్చుకోవాలి .....నా జీవిత పాఠాలు నువ్వు నేర్చుకోవాలి అంటే .....నా జీవితంలో నాకెదురైన సంఘటనలు నీ జీవితంలోనూ నీకు ఎదురు కావాలి .....

అవి నీకు ఎప్పటికీ రావు ..... :P

అందుకే .....నాలా నువ్వుండలేవు ....నీలా నేనుండలేను ....:P

ఈ జన్మకి ఎవరిలా వాళ్ళుండి పోదాం ....ఒప్పుకోరా బుజ్జీ ..... :) :) :P :P