Saturday, February 11, 2017

నీ మంచి కోసమే చెబుతున్నా ....నా మాట వినరా బుజ్జీ ……

నీ ముందు కొన్ని ఇటుకలు ఉన్నాయి, సిమెంట్ ఉంది, ఇసుక ఉంది, నీళ్లు ఉన్నాయి, అందమైన ఇల్లు కట్టుకోవడానికి కావలసినంత విశాలమైన స్థలం ఉంది ....వ్వాట్ నాట్..... ఇల్లు కట్టుకోవడానికి కావలసినవి అన్నీ నీ ఎదురుగా ఉన్నా కూడా ...నీ జీవిత కాలంలో నువ్వు రెండు ఇటుకలని కూడా ఒక చోట చేర్చలేక పోయావు ..... :(
అలాంటి నువ్వు .....ఎక్కడో, ఎప్పుడో, అందమైన సువిశాల భవంతి నిర్మిస్తానని కలలు కంటున్నావు ..... :P
"
ఇదిగో నా అరచేతిలో ఉన్నదే స్వర్గం అని.... " అందరినీ నమ్మించాలని నీ ప్రయత్నం .... :P
పోనీ... నీ కలలు.... నీ నమ్మకాలు ...నీ ఇష్టం ....ఎలాగైనా బ్రతుకు ...
కానీ........., ఇక్కడ ...ఇప్పుడు ...ఎంతో శ్రమించి ...
పుల్లా పుల్లా పోగేసుకుని,
మట్టీ నేలా కలిపేసుకుని,
శ్వాసా ఆశా కలబోసుకుని,
 
తన ముందు ఉన్నవాటితో ....ఒక చిన్న నివాస యోగ్యమైన గుడిసె కట్టుకుని... విజయవంతంగా నివసిస్తున్నాడే.... మనిషి ....అతని ముందు మాత్రం ఇవన్నీ చెప్పకు ....!

——————————
నీ మంచి కోసమే చెబుతున్నా ....నా మాట వినరా బుజ్జీ …… :) :) :P :P