అందుకే అంటారు జీవితం ఒక్కటే ....మళ్ళీ మళ్ళీ రాదు అని ...

క్వారంటైన్ కబుర్లు ...
==============

చిన్నతనంలో మా ఇంటి ముందు / పక్కన ఖాళీ స్థలం ఉండేది ....చుట్టూ ప్రహరీ గోడ ఉండేది ...

పక్కనున్న ఖాళీ స్థలం చిన్న సందులాగా ఉండేది ...అక్కడ సిమెంట్ గచ్చు, నీళ్ల గాబులు ...రాళ్లతో పెట్టిన పొయ్యి కూడా ఉండేది ....

మా అమ్మ అక్కడే వంట చేసేది ....

అయితే మా అమ్మ వంట చేయడం అంటే నాకు వ్యాయామం చేయడం అన్నట్టు ....

కూరగాయలు పళ్లెంలో తీసుకుని వెళ్లి ....కొడవలితో కోయడం మొదలు పెట్టాక ...,

అమ్మాయ్ కూర తపేలా తీసుకురా అనేది ...

నేను ఇంట్లోకి వెళ్లి బోర్లించిన తపేలాలన్నీ చూస్తే ...అందులో ఏ తపేలా అర్ధమయ్యేది కాదు ....సరేలే అని ఒకటి తీసుకొస్తే ...

ఇది కాదే ....చట్టి పిడత ...అనేది ....అదేంటో గుర్తు పట్టేసరికి ఓ రెండు మూడు సార్లు ఇంట్లోకి , పొయ్యి కాడికి రౌండ్స్ అయ్యేవి ....

అంతలో ...అమ్మాయ్ ...నూనె డబ్బా తీసుకురా ....

పరిగెత్తుకుంటూ వెళ్లి నూనె డబ్బా తెస్తే ....

తాలింపు గింజల డబ్బా కూడా తీసుకుని రా ....

ఉల్లిపాయ తీసుకురా ...
తెచ్చా ...

ఉప్పు అను ...పసుపు తీసుకురా ....(పాపం ఎందుకో దయ రెండూ ఒకేసారి చెప్పింది ....)

కూర గంటె తీసుకురా ...
ఏ గరిటె ....గుంట గరిటా....(ఈసారి కాస్త తెలివి ఉపయోగించా ....డౌట్ క్లారిఫై చేసుకున్నా ముందుగానే )
ఆ అదే ...

వెళ్ళాక కనపడకపోతే ....ఎక్కడ పెట్టావు అంటే ...అక్కడే అని సమాధానం తప్ప ...అదెక్కడో ఎప్పటికీ అర్ధం కాదు ...

కారం డబ్బా తీసుకురా పో ...
అది తెస్తే ....

మధ్యలో ....అల్లం వెల్లుల్లి నూరాలంటే ....రోకలి బండతో నూరుకుని రావాలి ....

అయ్యో చింతపండు మర్చిపోయా ...మళ్ళీ పరుగు ....

అన్నం వండే తపేలా తీసుకుని ...సోలతో తలకొట్టి సోలడు పోసి ....బియ్యం కడిగి పెట్టు.........

ఇదంతా అయ్యేసరికి కనీసం ఒక మైలు దూరం అయినా నేను నడిచినట్టే ....

ఎంత వ్యాయామం ఒక కూర అన్నం వండేసరికి ....ఇంకా ఎన్ని పనులు చేయాలి .....😓

ఎంత వ్యాయామం చేసేవాళ్ళం ...

ఎంతయినా చెప్పండి ....

కాళ్లకు పట్టీలు పెట్టుకుని ....ఘల్లు ఘల్లునా ఎగురుకుంటూ ఇంట్లో తిరుగుతుంటే అటు వాళ్ళకీ పిల్లలంటే సందడి ఉండేది ...ఇటు మనకీ ఎంతో సరదా ఉండేది ....

ఇప్పుడు ఎవరి ఫోన్స్ , సిస్టమ్స్ ముందు వాళ్ళే ....

వ్యాయామం అంటే ....పనిగట్టుకుని వాకింగ్ పోవాలి ....అక్కడ ఎన్ని స్టెప్స్ అని లెక్కలు పెట్టుకోడం ....జిమ్ ....

కనీసం ఇప్పుడు అది కూడా లేదనుకోండి ....

దానికి తోడు క్వారంటైన్ లైఫ్ ....

అందుకే అంటారు జీవితం ఒక్కటే ....మళ్ళీ మళ్ళీ రాదు అని ....అవకాశం ఉన్నప్పుడే జీవించెయ్యాలి అని ..😍🥰

Note: Wrote and published on March 27, 2010