నా కూతురు ఈ వారం అంతా ఇంటిదగ్గరనుండే కాలేజ్ క్లాసులకి అటెండ్ అవుతుంది ...

క్వారంటైన్ కబుర్లు ...
==============

నా కూతురు ఈ వారం అంతా ఇంటిదగ్గరనుండే కాలేజ్ క్లాసులకి అటెండ్ అవుతుంది ...

క్లాసులకి సంబంధించి తాను నాతో పంచుకున్న ఒక విషయం ...మీకు కూడా చెప్పాలి అనిపించింది ...తద్వారా నాకూ ఒక జ్ఞాపకం అవుతుంది అనుకోండి ....🥰

ఇందాక ..తనతో కలిసి లంచ్ చేద్దాం అని పిలిచా...

క్లాసు అయ్యాక వస్తాను అంటే ...అంతలో ...టమాటో పప్పు తాలింపు వేద్దాం అని రెడీ చేస్తున్నా ....

అంతలో తనకు క్లాస్ అయిపోయింది ...
వచ్చాక ..., "సారీ మమ్మీ ....క్లాస్ కాస్త లేట్ అయింది .." అంది

"పర్వాలేదు రా ....పప్పు గుత్తి తీసుకుని ...పప్పు మెత్తగా చెయ్యి ..అంతలో నేను తాలింపు వేస్తా" అని చెప్పి ...అది చేస్తూ ఉన్నా ...

తన క్లాస్ గురించి కబుర్లు చెబుతూ ..."నేను ఇప్పుడు వెళ్ళింది సైన్ లాంగ్వేజ్ (sign language) క్లాస్ కి ...అందులో ఒక ఓల్డర్ పర్సన్ ఉన్నారు ....తనకి ఎన్నిసార్లు చూపించినా నేను చూపించే సైన్స్ అర్ధం కావడం లేదు.... నీ అంత వయసు ఉంటుంది తనకి ....అందుకే తను అర్ధం చేసుకొనే వరకు చెప్పి వచ్చేసరికి లేట్ అయింది...తను ఏ సైన్ చూపించినా తప్పు చెప్పేస్తుంది ....మళ్ళీ తానే నవ్వేస్తుంది ... ఎంత క్యూట్ కదా ..." నవ్వుతూ చెప్పింది ...

"ఓ అవునా ...నా వయసున్నవాళ్ళు కూడా మీ క్లాసుకి వస్తారా ..." ఆశ్చర్యంగా అడిగా ..

"అవును ...ఎవరైనా రావచ్చు ...ఆ కోర్స్ వరకు డబ్బులు కట్టి రావచ్చు ...." చెప్పింది ...

"నాకూ నేర్చుకోవాలని ఉందిరా ..." అడిగా ..

"ఎందుకు నేర్చుకోకూడదు ...రావచ్చు నువ్వు కూడా" చెప్పింది ...

"ఇంతకూ తను ఎందుకు ఇప్పుడు నేర్చుకోవడానికి వచ్చిందో నీకు తెలుసా ..." అడిగింది ....

"చెప్పు ...ఎందుకు ..."అడిగా ...

"వాళ్ళ పక్కింటివాళ్ళకి మూగ, చెవుడు ...తను వాళ్ళతో మాట్లాడలేకపోతుంది ....అందుకే వాళ్ళతో మాట్లాడడం కోసం ...ఈ కోర్స్ లో జాయిన్ అయింది .." చెప్పింది ...

నిజంగా ఆశ్చర్య పోవడం నా వంతయింది ...

"ఎంత అద్భుతం రా ...." చెప్పా ...

"అసలు ప్రపంచంలో ఇలాంటి పర్సన్ ఒకరు ఉన్నారంటేనే అద్భుతంగా అనిపిస్తుంది కదా ..." మళ్ళీ నేనే చెప్పా ...

"అవును మమ్మీ ..తన గురించి తెలిసాక నాకు కూడా అలాగే అనిపించింది ...పక్కింటివాళ్లతో మాట్లాడడం కోసం ఈ వయసులో తను ఒక భాష నేర్చుకోవడానికి వచ్చింది అని... " గౌరవంగా చెప్పింది ....

---------------------------

మన ఫోనుల్లో నంబర్లు దూరంలో ఉంటాం మనం ....కానీ ఎప్పుడూ పలకరించుకోకుండానే బతికేస్తాం ....పక్కింటి వాళ్లకు మాటలు వచ్చు ....కానీ కనిపించినా మొక్కుబడిగా హలో అంటాం...

ఫ్రెండ్స్ లిస్ట్ చాంతాడంత ఉంటుంది ....కానీ ఎవరున్నారో కూడా తెలీకుండా స్నేహితులని పేరు ...

ఒకవేళ పొరపాటున మాట్లాడినా ....వంద గొడవలు ...

అంతెందుకు ...ఒకే ఇంట్లో ఉండి దశాబ్దాల పాటు శత్రువులుగా బతికేస్తాం ....ఫ్యామిలీ అని అందమైన పేర్లు ఉంటాయి ...అంతే ....నటిస్తూ బతికేస్తాం ....బతుకే నటనగా మార్చేస్తాం ...

కానీ ఆవిడేంటో మరి ....పక్కింటోళ్ల కోసం భాష నేర్చుకోవడానికి ఇప్పుడు కాలేజ్ కి వెళ్తుంది ....అద్భుతాలంటే ఇవేగా 🤔🥰

-------------------------

ప్రతి వ్యక్తి ...వయసుతో సంబంధం లేకుండా ...సాధ్యం కాని పనైనా ....చేయడానికి ప్రయత్నిస్తున్నారంటే ..అందుకు ఏదో బలమైన కారణం ఉంటుంది ....అది అర్ధం చేసుకోవడానికి సంస్కారం కూడా ఉండి ఉండాలి ....అని నా అభిప్రాయం ...

నా కూతురి అర్ధం చేసుకొనే మనస్తత్వం చూసి కూడా నాకు ముచ్చటేసింది ....ఆమె వయసుని ....నేర్చుకోవడానికి గల కారణాన్ని అర్ధం చేసుకున్నందుకు ....ఆమె తప్పులు చెప్పడం క్యూట్ అన్నందుకు ...🥰😘