నిన్న ఒక పని మీద ఒక ఆఫీసుకి వెళ్లాల్సొచ్చింది ...
ఆమె నేను వెళ్ళగానే చక్కగా రిసీవ్ చేసుకుని ...నా వివరాలడిగింది ...
నాతో కట్టించుకోవాల్సిన ఫీజు కట్టించుకుంటూ ....
మధ్య మధ్యలో నాతో మాట్లాడడం మొదలు పెట్టింది ....
ఫస్ట్ ఎక్కడికి వెళ్లినా నా పేరు పిలిచేటప్పుడు ....కొత్త పెళ్లికూతురు / పెళ్ళికొడుకు ....సిగ్గుతో మెలికలు తిరుగుతూ ....వచ్చి రానట్టు ...పలికీ పలకనట్టు ...క్షత్రియ పుత్రుడు సినిమాలో ....సన్నజాజి పాడాక ....అనే పాటలో ....ఉత్త గాలే వస్తుంది అంటుంది రేవతి ....అలా ...నా పేరుని రకరకాలుగా పలకాలని ట్రై చేస్తారు అందరూ ....
నా జీవిత కాలంలో ఒక్క అమెరికన్ అయినా ....శ్రీలక్ష్మి అనే పేరుని శ్రీలక్ష్మి గానే పలుకుతారనే ఆశ ..., మా ఆయన ఇంట్లో వాళ్ళు ఫోన్ చేసినప్పుడు ఒక్కసారి కాల్ చేస్తే ఎత్తుతారని ఆశ...ఇలాంటివన్నీ ....ఎండమావుల్లాంటివి ....ఉన్నట్టే అనిపిస్తాయి ..కానీ ఉండవు ...
"సి ...లాక్ ...మీ...." అని ఆమె తిప్పలు పడుతుంటే ....
నేను నవ్వుతూ ...."శ్రీ " అని పిలవండి చాలు అని చెప్పా ....
(అంతకంటే మీకు సీన్ లేదులే అని మనసులో అనుకుని ....)
అసలు ఇంత కష్టమైన పేరు ఎలా పెట్టుకున్నావు అని అడిగింది ....
నా కర్మలే అనుకుని ...."అది మా దేశంలో ఇంటికొకరికి ఉంటుంది ....వెరీ ఫేమస్ నేమ్ " చెప్పా ....
"ఇక్కడికొచ్చాక పేరు షార్ట్ గా చేసుకున్నావా " అడిగింది ....
"తప్పదుగా మీ దేశం వచ్చాక ...." చెప్పా ...
"ఆ పేరుకి అర్ధం ఏంటి " అడిగింది ....
మధ్య మధ్యలో నాకు కావాల్సిన పని గురించి చేయాల్సిన ప్రాసెస్ చేస్తూ ....
"ఒక దేవత పేరు ...ఆ దేవత, డబ్బు , ఆరోగ్యం , ఇంకా మనకు కావాల్సినవన్నీ ఇస్తుందని ....అందరి నమ్మకం " చెప్పా ....
"వ్వావ్ " ఆశ్చర్య పడింది ....
అందులో వ్వావ్ ఏముంది ....అనుకున్నా ....
సరే అలా మాటలు పొడిగిస్తూ ...నీకు కిడ్స్ ఉన్నారా అని అడిగింది ....
ఉన్నారు ....ఒకళ్ళు జాబ్ చేస్తున్నారు ...ఒకళ్ళు కాలేజ్ లో ఉన్నారు అని చెప్పా ....
"నీకు జాబ్ చేస్తున్న డాటర్ ఉందా ...." ఈసారి నిజంగానే ఆశ్చర్య పడింది ...
అవునన్నట్టు తలాడించా ....
"నీకు చిన్న వయసులోనే పెళ్లయి ఉంటుంది బహుశా ...." సందేహంగా అడిగింది ...
"వెల్ ...ఇక్కడ మీ దేశంలో అయితే ....అది చిన్నవయసులో అయినట్టు ....మా ఊర్లో అయితే లేట్ మ్యారేజ్ అంటారు మరి ...." చెప్పా ....
ఏ వయసులో అయిందో అడిగింది ...చెప్పా ....
"ఎందుకలా పెళ్లి చేసుకున్నావు ...." అడిగింది మళ్ళీ...
"నేను చేసుకోలేదు ....మావాళ్లు చేసారు ....ఇక్కడలాగా మాకు డేటింగ్స్ ఏమీ ఉండవు ....
పెళ్లి ఒక్కటే ఫస్ట్ ఆప్షన్...లాస్ట్ ఆప్షన్ కూడా ...
కాబట్టి వాళ్ళు పెళ్లి అనగానే ఎగిరి గంతేసి పెళ్లి చేసుకుంటాం ....
చేసుకున్నాక నచ్చకపోతే ...జీవితాంతం వదిలేయలేం ....అంతే" చెప్పా ...
అంతలో నా పని అయిపొయింది ...
నాకు చేయాల్సిన దానికంటే కొద్దిగా ఎక్కువ ఫేవర్ కూడా చేసింది ...
చాలా థాంక్స్ అని చెప్పి ...,
"ఏదో అప్పుడప్పుడు ఒక చిన్న శాంపిల్స్ వదిలితేనే నోరెళ్ళబెట్టుకుని వింటారు వీళ్ళు ....ఇక మన సాంప్రదాయాల గురించి ....అవి ఎలా ఉంటాయో చెబితే ఏమైపోతారో పాపం ...."అనుకుని నవ్వుకుంటూ ....బయటపడ్డా ....!
No comments:
Post a Comment