స్త్రీ ...పెళ్ళైన తరువాత ...పిల్లలు పుట్టకుముందు మాత్రమే ...తన గురించి తన అవసరాల గురించి ఆలోచిస్తుంది ...అది తన శారీరక అవసరాలైనా కావచ్చు కూడా ....
ఒకసారి పిల్లలు కడుపులో పడిన తర్వాత ....తనకు బిడ్డ కనిపించకపోయినా, స్పర్శ ద్వారా దగ్గరవుతున్న బిడ్డ అయినా కూడా ....ఆ బిడ్డకు ..ఏం కావాలో అని అనుక్షణం ఆలోచనలో పడుతుంది ...
ఒక్కోసారి తనకు ఏడవలనిపించినా కూడా ఏడవలేదు ....
ఏడిస్తే ...తన బాధ తన బిడ్డ ఎక్కడ భరించాల్సి వస్తుందో అని ....ఆ బాధను కూడా వాయిదా వేస్తుంది .. ...ఒక ముద్ద ఎక్కువే తింటుంది ....బిడ్డకు ఎక్కడ ఆకలేస్తుందో అని ....
ఇక పుట్టాక సరే సరి ...క్షణం తీరిక ఉండదు ...24 గంటలూ ..బిడ్డ నిద్రపోయే సమయంలో కూడా లేచాక తనకేం కావాలో రెడీ చేసుకోవడమే ఆమె పని ....
ఈ సమయంలో పురుషుడు ....కుటుంబానికి కావాల్సిన సంపాదనలో ఉంటాడు ....లేదా తనకి కావాల్సిన అవసరాల గురించి ఆలోచిస్తూ ఉంటాడు ....
తల్లి అలా కాదు ...బిడ్డ స్కూల్ కి వెళ్లినా ...కాలేజ్ కి వెళ్లినా...ఎక్కడకు వెళ్లినా బిడ్డ గురించే ఆలోచన ...
తన గురించి తన అవసరాల గురించి ఆమె మర్చిపోతుంది ....మరుగున పడేస్తుంది ....
ఆమె ఆమె భర్తతో సంసారం చేయడానికి కూడా పిల్లలు నిద్రపోయారా లేదా అని నిర్ధారించుకుని మరీ చేస్తుంది ...
అది కూడా తన గురించిన ఆలోచన తక్కువే అని చెప్పాలి ...భర్తకి ఎక్కడ దూరమైపోతానో అనే కంగారే ఎక్కువ ఉంటుంది ....లేదా భర్త తనకి ఎక్కడ దూరమవుతాడో అనే కంగారే ఉంటుంది....
అలాంటి స్త్రీ ...పిల్లల బాధ్యతలు పూర్తయ్యాక తన గురించి ఆలోచిస్తే ...తన అవసరాల గురించి ఆలోచిస్తే ...తనకేవైనా సరదా ఉంటే ...ఈ సమాజానికేం పని ...
దాని పని అది చేసుకోవచ్చుగా ....
అహ ..అది ఊరుకోదు వేలెత్తి చూపిస్తుంది ...
నీకు వయసైపోయింది అని ....ఈ వయసులోనా అని ...ఇప్పుడు ఇవేం కోరికలు అని ...పిల్లలు ఇంత పెద్దయ్యాక ఇప్పుడీవిడ ఏమిటమ్మా అని ...
ఇంట్లో వాళ్ళు ....వీధిలో వాళ్ళు వేలెత్తి చూపడం మొదలు పెడతారు ....
ఏం నోరుమూసుకుని ఉండలేరా ....ఆమెని ఆమె ఇష్టం వచ్చింది చేసుకోనివ్వలేరా ....
ఆమె పబ్ కి వెళ్తే ....క్లబ్ కి వెళ్తే ....స్విమ్ సూట్ వేసుకుంటే ....ఏం చేస్తే ఈ సమాజానికెందుకు ...
కాబట్టి ....సమాజమా ....స్త్రీ ని వేలెత్తి చూపకు ...ఆమె ఆమెకిష్టమైన పనేదో చేస్తే ...ప్లీజ్ షటప్ ..!
No comments:
Post a Comment