బ్లైండ్ స్పాట్ .....చీకటి ప్రదేశం ....

బ్లైండ్ స్పాట్ .....చీకటి ప్రదేశం ....
=========================
ఇండియా లో నేను డ్రైవ్ చేసేటప్పుడు నాకు ఈ బ్లైండ్ స్పాట్ అంటే ఏమిటో తెలియదు ....మనం మన సిటీ రోడ్లు మీద కార్ అంత స్పీడ్ గా డ్రైవ్ చేయలేం, ...ఇక హై వే మీద లేన్ మార్చాల్సిన అవసరం ఉండదు ....

అమెరికా వచ్చాక ....ఇక్కడ డ్రైవింగ్ నేర్చుకునేటప్పుడు తెలిసింది ...బ్లైండ్ స్పాట్ అంటే ఏమిటో ...

మనం కార్ నడిపేటప్పుడు ఏం చేస్తాం (ఇది అమెరికా డ్రైవింగ్ కు వర్తిస్తుంది )....

ముందు వైపు....రెండు పక్కల ....వెనక వైపు కూడా జాగ్రత్తగా చూస్తాం ......ముఖ్యంగా కారు లేన్ మార్చేటప్పుడు ...పక్క లేన్ లో ఏవైనా కార్లు ఉన్నాయా అని .., మధ్యలో మిర్రర్ , ఏ పక్క లేన్ లోకి మనం మారాలనుకుంటున్నామో ఆ పక్క మిర్రర్ లో చూసుకుని లేన్ మారుతూ ఉంటాం ....

అయితే మనం ఇవన్ని చూసినా కూడా మరో ప్రదేశంలో చూడకపోతే ....ఘోరమైన యాక్సిడెంట్స్ జరిగిపోతాయి ...అదే "బ్లైండ్ స్పాట్" ...

అది .......మన కారు వెనక ఉండదు ....ముందు ఉండదు ....మన పక్కనే ఉంటుంది ....అలా అని అద్దంలో కనిపించదు....మనం తల పక్కకి తిప్పి చూస్తే మాత్రమే కనిపిస్తుంది…..మనం పక్కకి రావడానికి కాస్త చోటు ఉంచి...రాగానే ప్రమాదానికి గురి చేసేలా ....
అందుకే దాన్ని బ్లైండ్ స్పాట్ అంటారు .....

ప్రతి సారి లేన్ మార్చేటప్పుడు తల పక్కకి తిప్పి చూసుకుని ...మార్చకపోతే ....ప్రమాదం తప్పదు ....

అయితే ఈ మధ్య కాలంలో వచ్చిన కార్స్ లో ....ఈ బ్లైండ్ స్పాట్ గురించి మనల్ని అప్రమత్తం చేయడం కోసం అలారం సిస్టం , రకరకాల మిర్రర్స్ అందుబాటులోకి వచ్చాయి .....

పక్కనే బ్లైండ్ స్పాట్ లో ..మన కార్ పక్కన కార్ ..ఏ పక్కన ఉంటే ఆ పక్కన ఆరెంజ్ కలర్ లైట్ ఆన్ అవుతుంది ...మనం టర్న్ సిగ్నల్ వేయగానే లైటుతో పాటు అలారం మోగుతుంది .....వెంటనే మనం ప్రమాదం జరగకుండా జాగ్రత్త పడతాం ....ప్రమాదం తప్పించుకుంటాం ....!!

.......................

అలాగే ...మనుషులు ....బంధాలు ....బంధువులు ....జీవిత ప్రయాణం కూడా ...........

మనం ఎవరు ప్రమాదకరమైన వ్యక్తులు , ఎవరు మంచివాళ్ళు ,ఎవరు చెడ్డవాళ్ళు .....ఇవన్ని జాగ్రత్తగా గమనించుకుంటూ జీవితం అనే ప్రయాణం సాగిస్తూ ఉంటాం ....

బ్లైండ్ స్పాట్లో ఉన్న వ్యక్తులను మాత్రం మనం గమనించలేం....తల తిప్పి జాగ్రత్తగా చూస్తే గానీ కనపడరు....

ఒక వేళ చూడలేదా ....ప్రమాదం తప్పదు ....

ఇది గుర్తించే టెక్నాలజీ మన మనసే ...ఎన్ని ప్రమాదాలు ఇంతకు ముందు జరిగాయి ....ఎలా ఆ ప్రమాదాల్ని ముందుగానే పసిగట్టాలి అనే దాన్ని బట్టి .....అంచనా వేసుకుని మనసు గుర్తుపడుతుంది....

మన ఆలోచనలతో ,వివేకంతో .....బ్లైండ్ స్పాట్ కి స్పాట్ పెట్టకపోతే ప్రమాదాలు తప్పవు .....!!!!