Friday, July 21, 2017

అందరితో విమర్శలకు గురవుతుంటా....!! :)

"ఎప్పుడూ నీలో ఉన్న అనుకూల అంశాలు మాత్రమే వ్రాస్తూ ఉంటావు ....నీ గురించి నువ్వు గొప్పలు మాత్రమే చెప్పుకుంటూ ఉంటావు ...." అని కొందరు ఆంతరంగిక మిత్రులు నా పట్ల చేసిన నిరంతర విమర్శల వలన ....,,
ముందుగా వారిమీద కాస్త కోపం కలిగినా .....
కాస్త తరచి ఆలోచించి చూసి ....,,
వాళ్ళ విమర్శలకు కూడా కాస్త విలువ నివ్వాలని ....,,
వాళ్ళకి కూడా మనసు ఉంటుందని .....,,
అభిప్రాయం ఉంటుందని ....,,
వాటిని పరిగణలోకి తీసుకోవాలని నిర్ణయించుకుని .....,,
నాలో ఉన్న ప్రతి కూల విషయాలు కూడా కొన్ని అప్పుడప్పుడు వ్రాద్దాం అని నిర్ణయించుకున్నా ..... 
సరే ప్రతికూల విషయాలు అంటే ఏమిటి అని ఆలోచిస్తే ....ఎప్పుడూ నాలో కనిపించే అనుకూల అంశాలు గురించి వ్రాస్తున్నా కాబట్టి ....లేనివన్నీ ప్రతికూల అంశాలే కదా అని అర్ధమైంది .....  
నాలో ఏం లేవా అని మళ్ళీ ఆలోచిస్తే ...చాలా సేపటికి ఒక విషయం తట్టింది ..... 
నాలో "క్షమాగుణం"(ఉండీ లేనట్టు ) చాలా తక్కువగా ఉంది ... 
ఉన్నదాన్ని వృధా చేయకుండా చాలా పొదుపుగా వాడుకుంటూ ఉంటా ... 
వీలైతే ఎవరికీ కనిపించకుండా దాచుకుంటూ ఉంటా ... 
మరీ ఎదుటివాళ్ళు చావు బ్రతుకుల్లో ఉన్నారు అని అనుకుంటే తప్ప ఇవ్వను ....
ఎంత బ్రతిమాలినా ఇవ్వాలనిపించదు....ఈ విషయంలో చాలా కఠినంగా ఉంటూ ఉంటా ....
"సారీ" అనే పదం ఇస్తాం అంటారు .....అయినా ఇవ్వను ... 
ఉన్న కాస్తా "సారీ" కే ఇచ్చేస్తే ...రేపు భవిష్యత్తులో అంతకంటే అవసరం ఉన్నవాళ్లు ఎవరైనా వచ్చి ....చేసిన తప్పులకు ప్రాణాలే తీసుకుంటాం అంటే క్షమా భిక్ష వెయ్యడానికి కాస్త అయినా దాచుకోవాలిగా .....??!!  
అందుకే ఈ విషయంలో ఇంత కఠినంగా ప్రవర్తించి ...,,,
నా దగ్గర తక్కువగా ఉన్న క్షమాగుణం ఎవ్వరికీ ఇవ్వకుండా పిసినారిలా దాచుకుంటూ ఉంటా ..... 
అందరితో విమర్శలకు గురవుతుంటా....!! 
---------------------------------------
ఇక ముందు కూడా ....అప్పుడప్పుడు నాలోని ప్రతికూలతలు తెలియజేసే పోస్ట్ లు పెడతానని ...ఆంతరంగిక మిత్ర వర్గానికి మనవి .....